Камень, Егоже небрегоша зиждущии,
Сей бысть во главу угла,
от Господа бысть Сей,
и есть дивен во очесех наших.
Святым Духом всяка душа живится,
и чистотою возвышается,
светлеется
Троическим Единством священнотайне.
Знамение Божества носяй,
апостолом во огни, Дух разделися,
и странными языки являшеся,
яко Отеческая Божественная сила грядущая есть,
самоповелительная.
Решительное очищение грехов,
огнедохновенную приимите Духа росу,
о чада светообразная церковная!
Ныне от Сиона бо изыде закон,
языкоогнеобразная Духа благодать.
Плавающаго в молве житейских попечений,
с кораблем потопляема грехи,
и душетленному зверю приметаема,
яко Иона, Христе, вопию Ти
из смертоносныя глубины возведи мя.
Гору Тя
пророк Даниил Божественным Духом нарече,
Дево,
из неяже камень без рук отсечеся
и сокрушение содея истуканней прелести.
Мы используем файлы cookie для улучшения работы сайта. Оставаясь на сайте, вы соглашаетесь с условиями использования файлов cookies. Чтобы ознакомиться с Политикой обработки персональных данных и файлов cookie, нажмите здесь.
