Начало песен вещих - Ларионовы предания

Издательский проект:


Евгений Овчинников

Поэтическое наследие древней Руси
в памятниках
Древнерусского эпического стихосложения
    ____

ДОСТОЙНО СЛАВЫ
Свято-Отеческие предания (XI – XIII вв.)

Серия:
«Начало Пђсенъ Вђщихъ»
Выпуск 6

МОСКВА • 2021


                •  •  •


ПОВЕСТЬ «О ЗАКОНЕ И О БЛАГОДАТИ И ИСТИНЕ»
И «ТРОННАЯ РЕЧЬ» ЛАРИОНА


ПАСПОРТ ОБЪЕКТА

Этнос: Русские    |    Язык: Древнерусский    |    Автор открытия: Овчинников Евгений Евгеньевич,
собиратель и исследователь поэтического наследия древней Руси по письменным памятникам.    |
Место фиксации: Россия    |    Место хранения: личный архив; e-mail: epicrus.heritage@yandex.ru    |
История выявления и фиксации: в рамках осуществления Авторского историко-культурного проекта
«Прославь Отечество!», инициатор проекта: Овчинников Е.Е. (восстановление эпических текстов
в изначально присущей им и неотъемлемой стихотворной форме и реконструкция памятников)    |
Правовой статус: Все авторские права на открытие и произведения защищены, принадлежат Автору
(Е.Е. Овчинников) и охраняются законом. Никакая часть книги Автора (в т.ч. электронных версий)
на основании норм Авторского права не может быть перепечатана или воспроизведена в какой бы
то ни было форме и какими бы то ни было средствами (включая – размещение в сети Интернет и в
корпоративных сетях) для частного и публичного использования без письменного на то разрешения
владельца авторских прав.    |
Резюме / Описание: «Ancient Russian epic versification» © Evgeny Ovchinnikov, – in original form:
«Древнерусское эпическое стихосложение» © Евгений Овчинников. Впервые представлены данные
из новой сферы научного знания – «древнерусского эпического стихосложения». Это авторская
концепция, которая возникла в процессе исследования проблемы культурного наследования и
преемственности в древней Руси. Данная авторская концепция представляет собой категориальное
обобщение имеющихся эмпирических и теоретических данных, которые позволяют по-новому
взглянуть на рассматриваемую проблему и «эпическое стихосложение» как – самостоятельное
направление в культурной традиции древней Руси. Также, большое внимание уделено раскрытию
значений основных терминов и понятий в тезаурусе языка эпоса. – Для студентов, преподавателей,
практических филологов, деятелей культуры.
Так, сверх известного о классическом эпосе как поэтическом искусстве и искусстве красноречия [1],
о «древнерусском эпическом стихосложении» как самобытном явлении стоит вкратце добавить
следующее. Главное, это неотъемлемость стихотворной формы, присущей ударным тоническим
безрифменным свободным стихам, и обеспечивающая смыслообразующие связи в них структура
композиционных форм (строф). Синтаксически особенность такой строфы состоит в ее схожести –
с античным «периодом», используемым как художественно-композиционный прием для усиления
выразительности языка, т.к. построенная в виде «периода» строфа характеризуется и законченностью
выражения мысли, и большей ритмической стройностью и разнообразием стихотворной интонации:
эмоционально – насыщенной и напряженной. Ритмичность, что является основным нормативным
требованием, достигается структурной «круглостью» строф. Возникающей, с акцентом на тактовых
ударениях, системой интонационно-логических пауз (тактовых, стихо- и строфоразделов) строфа
членится на соразмерные строки, вследствие чего эпическая речь приобретает – «волнообразное»,
согласованное с являющимся метрическим фактором дыхательным ритмом, «течение». Ритмичность
также обеспечивается соразмерностью самих строф в составе – более крупной композиционной
формы. Кроме того, перед строфой или вслед за ней могла быть использована по своему смыслу
примыкающая к ней ремарка в виде стихотворной строки или нескольких строк, самостоятельного
значения не имеющих. Тем самым, именно такая «паузная периодическая» строфа, в силу своих
характерных особенностей задавая ритмико-мелодические и стилистические свойства свободного
стиха, и придает  памятникам «древнерусского эпического стихосложения» качество высокой
поэзии с присущим классическому красноречию патетическим звучанием.
Наконец, необходимо сделать пару замечаний о специфических особенностях чтения эпического
текста: 1. В разных парных комбинациях – безразлично, через какую букву написано одно и то же
слово, так как читаются они одинаково. Например: может быть написано – через «ъ» вместо «о»,
через «ь» вместо «е», через «е» вместо «ђ». 2. Язык эпоса – древнерусский, поэтому значения слов
текста эпоса легко объясняются средствами современного русского языка и перевода не требуют,
в других случаях целесообразно ориентироваться на данные Словаря И.И. Срезневского [2].
                ________

Справочная литература:
1. «Поэтика» («Art of Poetry») и «Риторика» («Rhetorica») Аристотеля / По переводам: М.Л. Гаспарова,
В.Г. Аппельрота, Н.И. Новосадского, С.С. Аверинцева, Н.Н. Платоновой. – http://stihi.ru/2012/08/27/277
2. Сpезневскiй И. И. Матеpiалы для Словаpя дpевнеpyсскаго языка по письменнымъ памятникамъ. //
Изданiе отделђнiя русскаго языка и словесности Императорской Академiи Наукъ. – СПб., Т. I – 1893,
Т. II – 1902, Т. III – 1912.

Источниковая база:
Основной источник – т.н. «Синодальный список» [сборник XV века, – ГИМ. Син. № 591. Л. 168 – 203.]
с учетом данных Уваровского списка [список XV века, – ГИМ. Увар., 1772], с раскрытием сокращений,
транслитерацией гражданским шрифтом (сохраняя i-десятиричное в двоегласных) и пунктуацией.

Объем восстановленного эпического текста «Синодального списка»: 824 стихотворные строки (всего),
в т.ч. (1 текст:) 757 стихотворных строк, (2 текст:) 67 стихотворных строк.

Условные обозначения: […] – ремарки (поздние правки – инверсии и вставки в стихотворный текст
книжного извода и привнесенный прозаический текст), {…} – конъектура, <…> – маркеры структуры
эпического текста с нумерацией фрагментов (1, … и т.д.), (…) – индексация композиционных форм
(авторских ремарок и строф).

Название по основному источнику (согласно общепринятой рубрикации):
1) «О законђ, Моисђомъ данђђмъ, и о благодђти и истинђ, Исусомъ Христомъ бывшiи, и како законъ
отиде, благодђть же и истина всю землю исполни, и вђра въ вся языкы простреся и до нашего языка
Рускаго, и Похвала кагану нашему Влодимеру, от негоже крещени быхомъ, и Молитва къ богу от всеа
земля нашеа», (или т.н. «Слово о законе и благодати»); 2) т.н. «Исповедание веры».

Авторское название объекта:
I. Повесть «О законе и о благодати и истине» Лариона; II. «Тронная речь» Лариона.
(© Евгений Овчинников, Evgeny Ovchinnikov)


                •  •  •


        С О Д Е Р Ж А Н И Е:


        I. РЕЧЕВОЙ СОСТАВ И СТРУКТУРА ТЕКСТА ПАМЯТНИКОВ (© Е. Е. Овчинников)
        (критический аппарат и первичный древнерусский эпический текст в составе «Синодального списка»)

        II. АУТЕНТИЧНЫЙ ТЕКСТ: «ПОВЕСТИ» И «ТРОННОЙ РЕЧИ» ЛАРИОНА (© Е. Е. Овчинников)
        (реконструкция эпического текста и структуры исследуемых памятников; здесь – в объеме оглавления)


                •  •  •


        I. РЕЧЕВОЙ СОСТАВ И СТРУКТУРА ТЕКСТА ПАМЯТНИКОВ (© Е. Е. Овчинников)
        (критический аппарат и первичный древнерусский эпический текст в составе «Синодального списка»)


        Выявление «строки» с характерной стихотворной интонацией с разбивкой исходного текста на строфы
и ремарки, выявление искажений целостной структуры эпического текста (© Е. Е. Овчинников):



< I. ПОВЕСТЬ «О ЗАКОНЕ И О БЛАГОДАТИ И ИСТИНЕ» ЛАРИОНА > (© Евгений Овчинников)



        О законђ, Моисђомъ данђђмъ, –

        и о благодђти и истинђ, Исусомъ Христомъ
        бывшiи, – и како законъ отиде, благодђть же
        и истина – всю землю исполни, и вђра въ вся
        языкы простреся и до нашего языка Рускаго.

        И Похвала кагану нашему –

        Влодимеру, от негоже крещени быхомъ,
        и Молитва къ богу – от всеа земля нашеа.
                ________

        Господи, благослови, Отче!


< ПРОЛОГ: «Благословленъ Господь богъ христiанескъ» >

(01)  Благословленъ –

(02)  Господь 1 богъ христiанескъ, яко посђти и сътвори
        избавленiе людемь своимъ, яко не презрђ до конца
        твари своеа идольскыимъ мракомъ одержимђ быти
        и бђсовьскыимъ служеванiемь гыбнути, нъ оправдђ
        прежде – племя авраамле скрижальми и закономъ,
        послђжде же сыномъ 2 вся языкы спасе, евангелiемь
        и крещенiемь – въводяа въ обновленiе пакыбытiа:

Ремарки: 1 – [богъ израилевъ] 2 – [своимъ]

(03)  въ жизнь вђчьную!

(04)  Да хвалимъ его убо и прославляемь –

(05)  хвалимааго от аггелъ беспрђстани, и поклонимся –
        ему, емуже покланяются – херувими и серафими!

(06)  Яко, призря, призри на люди 1 – и не солъ, ни вђстникъ,
        нъ – самъ спасе ны, не привидђнiемь пришедъ на землю,
        но истинно, пострадавы за ны плотiю 2 до гроба и съ собою
        въскрђсив ны, къ живущiимъ бо на земли человђкомъ –
        въ плоть одђвься приде, къ сущiимъ же въ адђ распятiемь
        и въ гробђ полежанiемь съниде, да обои, 3 познають
        посђщенiе свое и божiе прихожденiе и рзумђють, яко –
        тъ есть живыимъ и мертвыимъ: крђпокъ и силенъ богъ!

Ремарки: 1 – [своа] 2 – [и] 3 – [и живiи и мертвiи]

(07)  Кто бо великъ, яко –

(08)  богъ нашь?! тъ единъ творя и чюдеса, положи законъ
        на проуготованiе истинђ и благодђти, да 1 обыкнеть –
        человђчьско естьство, от многобожества идольскааго
        укланяяся, въ единого бога вђровати, да яко съсудъ
        скверненъ, человђчьство, помовенъ водою, закономъ
        и обрђзанiемь, прiиметь млђко благодђть и крещенiа! –
        законъ бо – прђдътечя бђ и слуга благодђти и истинђ,
        истина же и благодђть – слуга будущему вђку, жизни –

Ремарки: 1 – [въ немь]

(09)  нетлђннђи!

(10)  Яко законъ –

(11)  привождааше възаконеныа къ благодђтьному крещенiю,
        крещенiе же – сыны своа прђпущаеть на вђчную жизнь! –
        Моисђ бо и пророци о христовђ пришествiи повђдааху,
        Христос же и апостоли его о въскресенiи и о будущiимъ
        вђцђ! – еже поминати въ писанiи семь и пророчьскаа
        проповђданiа о Христђ, и апостольскаа ученiа о будущiимъ
        вђцђ, то излиха есть и на тъщеславiе съкланяяся, еже бо
        въ инђх книгах писано и вами вђдомо, ти сде положити!
                ________

(12)  То –

(13)  дръзости образъ есть и славохотiю, ни къ невђдущiимъ бо
        пишемь, нъ прђизлиха насыштьшемся сладости книжныа,
        не къ врагомъ божiемь иновђрныимъ, нъ самђмь сыномъ его,
        не къ странныимъ, нъ къ наслђдникомъ небеснаго царьства,
        но о законђ, Моисђемь данђђмь, и о благодђти и истинђ,
        Христосомъ бывшiи, повђсть си есть, – и что успђ законъ,

(14)  что ли благодђть!


        < КОНЕЦ ПРОЛОГА >


                •  •  •



< ЧАСТЬ ПЕРВАЯ: «ХВАЛИТЕ ГОСПОДА!» >


< ЧТЕНИЕ ПЕРВОЕ: «О законђ и о благодђти и истинђ» >

1.

(01)  Прђжде –

(02)  законъ, ти по томь благодђть, прђжде – стђнь, ти потомь истина, –
        образъ же закону и благодђти – Агаръ и Сарра, (работнаа Агаръ
        и свободнаа Сарра), – работнаа – прђжде, ти потомь – свободнаа.

(03)  Да разумђеть,

(04)  иже чтеть, яко: Авраамъ убо от уности своеи Сарру имђ жену,
        си – свободную, а не рабу, – и богъ убо прђжде вђкъ – изволи:
        и умысли сына 1 въ мiръ послати и тђмь благодђтђ явитися.

Ремарки: 1 – [своего]
                ________

(05)  Сарра же не раждааше, понеже бђ неплоды, не бђ неплоды,
        нъ заключена бђ божiимъ промысломъ на старость родити, –
        безвђстьная же и таинаа прђмудрости божiи утаена бяаху –1
        не яко неявима, нъ утаена и на конець вђка хотяща явитися.

Ремарки: 1 – [аггелъ и человђкъ]

(06)  Сарра же глагола къ Аврааму: «Се – заключи мя Господь богъ
        не раждати, вълђзи убо къ рабђ моеи Агари и родиши от неђ!» –
        благодђть же глагола къ богу: «Аще нђсть врђмене сънити ми
        на землю и спасти мiръ, съниди на гору Синаи и закон положи!»

(07)  Послуша Авраамъ рђчи Саррины и вълђзе къ рабђ еђ Агарђ,
        послуша же и богъ 1 от благодђтђ словесъ и съниде на Синаи, –
        роди же Агаръ 2 от Авраама, 3 и нарече Авраамъ имя ему Измаилъ,
        изнесе же и Моисђи 4 законъ, а не благодђть, стђнь, а не истину.

Ремарки: 1 – [яже] 2 – [раба] 3 – [раба робичишть] 4 – [от Синаискыа горы]

2.

(01)  По сихъ же, уже стару сущу –

(02)  Аврааму и Саррђ, явися богъ Аврааму, сђдящу ему прђд дверьми
        кушкђ его въ полудне у дуба Мамьврiискааго, – Авраамъ же текъ
        въ срђтенiе ему, поклонися ему до землђ и прiятъ и в кушту свою.

(03)  Вђку же сему къ коньцу приближающуся,
        посђтить Господь – человђчьскааго рода, –

(04)  и съниде съ небесе, въ утробу Дђвици въходя, прiятъ же и Дђвица
        съ покланянiемь въ кущу плътяную, неболђвьши, глаголющу ти
        къ аггелу: «Се – раба Господня буди мнђ по глаголу твоему!»
                ________

(05)  Тогда убо отключи богъ ложесна Саррина, и, заченьши, роди Исаака,
        свободьнаа свободьнааго, – и присђтивьшу богу человђчьска естьства,
        явишася уже – безвђстнаа и утаенаа, и родися благодђть, истина,
        а не законъ, сынъ, а не рабъ, – и ако отдоися отрочя Исаакъ и укрђпђ,
        сътвори Авраамъ гоститву велику, егда отдоися Исаакъ, сынъ его.

(06)  Егда бђ Христос на земли, и еще не у ся
        благодђть укрђпила бяаше, нъ дояшеся –

(07)  и еще за 30 лђтъ, въ ня же Христосъ таяашеся, егда же уже отдоися
        и укрђпђ и явися благодђть божiа 1 человђкомъ въ Iорданьстђи рђцђ,
        сътвори богъ гоститву и пиръ великъ тельцемь упитђныим от вђка,
        възлюбленыимъ сыномъ своимъ Исусом Христомь, съзвавъ на едино
        веселiе небесныа и земныа, съвокупивъ въ едино аггелы и человђкы.

Ремарки: 1 – [всђмъ]

(08)  По сихъ же –

(09)  видђвши Сарра Измаила, сына Агарiина, играюща съ сыномъ своимъ –
        Исакомъ, и ако прiобидђнъ бысть Исаакъ Измаиломъ, рече къ Аврааму:
        «Отжени рабу и съ сыномъ еђ, не имать бо наслђдовати сынъ рабынинъ –

(10)  сына свободныа!»

3.

(01)  По {въ}знесенiи же Господа –

(02)  Исуса, ученикомъ же и инђмь вђровавшiимъ уже въ Христа, сущемь
        въ Iерусалимђ, и обоимъ съмђсь сущемь, iудеомъ же и христiаномъ,
        и крещенiе благодатьное обидимо бяаше от обрђзанiа законьнааго,
        и не прiимаше 1 христiаньскаа церкви епискупа необрђзана, понеже,
        старђише творяшеся, сущеи отъ обрђзанiа насиловааху на хрестiаныа, 2
        на сыны свободныа, и бывааху междю ими многы распрђ и которы.

Ремарки: 1 – [въ Iеросалимђ] 2 – [рабичишти]

(03)  Видивши же свободьнаа благодђть чада своа –

(04)  христiаныи, обидимы от iудђи, сыновъ работнааго закона, възъпи –
        къ богу: «Отжени iудђиство – и съ закономъ расточи по странамъ!
        кое бо причастiе стђню съ истиною, iудђиству съ христiаньством?!» –
        и отгнана бысть – Агаръ раба съ сыномъ еђ Измаиломъ, и Исаакъ,
        сынъ свободныа, наслђдникъ бысгь Аврааму, отцу своему, и отгнани
        быша iудђи и расточени по странам, и чяда благодђтьнаа христiанiи –

(05)  наслђдници быша богу и Отцу!
                ________

(06)  Отиде бо свђтъ луны, солнцю въсiавъшу, – тако и законъ,
        благодђти явльшися, и студеньство нощьное – погыбе,
        солнечьнђи теплотђ землю съгрђвши, и уже не гърздится
        въ законђ человђчьство, нъ въ благодђти пространо ходить!

(07)  Iудђи бо при свђшти законнђи –

(08)  дђлааху свое оправданiе, христiяни же при благодђтьнђим
        солнци свое спасенiе жиждють, – яко iудеиство стђнемь
        и закономъ оправдаашеся, а не спасаашеся, хрьстiани же –
        истиною и благодатiю не оправдаються, нъ спасаються!

(09)  Въ iудђихъ бо оправданiе, въ христiаныихъ же спасенiе, яко –
        оправданiе въ семь мiрђ есть, а спасенiе въ будущiимъ вђцђ, –
        iудђи бо о земленыих веселяахуся, христiани же о сущiихъ –

(10)  на небесђхъ!

(11)  И тоже оправданiе iудђиско скупо бђ, зависти ради, не бо ся
        простирааше – въ ины языкы, нъ токмо въ Iудеи единои бђ, –
        христiаныихъ же спасенiе благо и щедро простираяся на вся –

(12)  края земленыа!


< ЧТЕНИЕ ВТОРОЕ: «Отiиде законъ, благодђти явльшися» >

4.

(01)  Събысться благословенiе Манасiино –

(02)  {на Iюдеихъ, Ефремово же – на христьяныих, Манасiино} бо / (ГИМ, Увар.)
        старђишиньство – лђвицею Iаковлею благословлено бысть,
        Ефремово же мнишьство десницею, аще и старђи Манасiи
        Ефрема, нъ благословленiемь Iаковлемь – мнiи бысть!

(03)  Тако iудђиство,

(04)  аще – прђжде бђ, нъ благодђтiю – христiанiи больше быша! –
        рекшу бо Iосифу къ Iакову: «На семь, отче, положи десницу,
        яко състарђи есть!» – отвђща Iаковъ: «Вђдђ, чядо, вђдђ, и тъ
        будеть въ люди и възнесется, нъ братъ 1 менiи болiи 2 будеть,
        и племя его будеть – въ множьство языкъ!» – якоже и бысть.

Ремарки: 1 – [его] 2 – [его]

(05)  Законъ бо прђжде бђ, и възнесеся въ малђ, и отiиде, вђра же
        христiаньская, послђжде явльшися, больши первыа бысть –
        и расп{л}одися на множьство языкъ, и Христова благодђть –
        всю землю обятъ и ако вода морьскаа покры ю, и вси, ветъхая
        отложьше, обетъшавъшая завистiю iудеискою, новая держать!

(06)  По пророчьству Исаину: «Ветхая мимоидоша, и новая вамъ –
        възвђщаю! поите богу – пђснь нову, и славимо есть имя его
        от конець земли, и съходящеи въ море, и плавающеи по нему,
        и острови вси!» – и пакы, {яко}: «Работающимъ ми наречется
        имя ново, еже благословится на земли, благословять бо бога –

(07)  истиньнааго!»

(08)  Прђжде бо бђ въ Iеросалимђ единомь {богу} кланятися,
        нынђ же по всеи земли! – яко же рече Гедеонъ къ богу:
         «Аще рукою моею спасаеши Израиля, да будеть роса
        на рунђ токмо, по всеи же земли суша!» – и бысть тако.

(09)  По всеи бо земли –

(10)  суша бђ прђжде, идольстђи льсти языкы одержашти и росы
        благодђтьныа не прiемлющемь, въ Iудеи бо тъкмо знаемь бђ
        богъ, и въ Израили велiе имя его, и въ Iеросалимђ единомь
        славђмь бђ богъ, – рече же пакы Гедеонъ къ богу: «Да будеть
        суша на рунђ токмо, по всеи же земли роса!» – и бысть тако.
                ________

(11)  Iудеиство бо прђста, и законъ –

(12)  отиде, жертвы непрiатны, кивотъ и скрижали, и оцђстило отъято,
        бысть по всеи же земли роса, по всеи бо земли – вђра прострђся,
        дождь благодђтныи оброси, купђль пакыпорожденiа сыны своа –

(13)  въ нетлђнiе облачить!

(14)  Яко же и къ самаряныни глаголааше Спасъ, яко грядеть година,
        и нынђ есть, егда ни во горђ сеи, ни въ Iеросалимђхъ поклонятся
        Отцу, (но будуть – истиннiи поклонници, иже поклонятся Отцу) –
        духомь и истиною, ибо Отец – тацђхъ ищеть кланяющихся ему,
        рекше – съ Сыномъ и съ святыим Духомъ! – якоже и есть.

5.

(01)  По всеи земли уже славится – 1 Троица,
        и покланянiе прiемлеть от всеа твари!

Ремарки: 1 – [Святаа]

(02)  Малiи, велицiи славять бога, по пророчьству: «И не научить
        кождо искреняго своего и человђкъ брата своего, глаголя:
        "Познаи Господа!" – яко увђдять мя от малыих до великааго!» –
        яко же и Спасъ Христос къ Отцу глаголааше: «Исповђдаю
        ти ся, Отче, Господеви небеси и земли, яко утаилъ еси –
        от прђмудрыихъ и разумныихъ, и открылъ еси младенцемь,
        еи, Отче, яко – тако бысть благоизволенiе прђд тобою!»

(03)  И толма помилова благыи богъ человђчьскыи род, яко
        и человђци плотьнiи крещенiемь и благыими дђлы –
        сынове богу и причастници Христу бывають! – елико бо
        рече еваггелистъ: «Прiяша его, дасть имъ власть чядомъ
        божiемъ быти, вђруяштiимъ въ имя его, иже не отъ кръве,
        ни отъ похоти плотьскы, ни отъ похоти мужескы, нъ –
        отъ бога родишася святыимь Духъмъ въ святђи купђли!»

(04)  Вся же си богъ нашь на небеси и на земли –

(05)  елико въсхотђ, и сътвори, тђмже къто не прославить, къ{то}
        не похвалить, къ{то} не поклониться величьству славы его?!
        и къто не подивиться – бесчисльному человђколюбiю его?!
                ________

(06)  Прђжде вђкъ – от Отца рожденъ, единъ състоленъ Отцу,
        единосущенъ, – якоже солнцу – свђтъ, съниде на землю,
        посђти людiи своих, не отлучивъся Отца, и въплотися –
        отъ Дђвицђ чисты, безмужны и бесквернены, въшедъ,
        якоже самъ вђсть, плоть прiимъ, изиде, якоже и въниде.

(07)  Един 1 от Троицђ въ двђ естьствђ: божество и человђчьство,
        исполнь человђкъ по въчеловђченiю, а не привидђнiемь, нъ –
        исполнь богъ по божеству, а не простъ человђкъ, показавыи
        на земли божьскаа и человђчьскаа: яко человђкъ бо утробу
        матерьню растяше, и яко богъ изиде, дђвьства не врђждь!

Ремарки: 1 – [сыи]

6.

(01)  Яко человђкъ – 1

Ремарки: 1 – [матерьне]

(02)  млђко прiатъ, и яко богъ пристави аггелы
        съ пастухы пђти: «Слава въ вышнiихъ богу!»

(03)  Яко человђкъ –

(04)  повиться въ пелены, и яко богъ вълхвы звђздою ведяаше, –
        яко человђкъ възлеже въ яслехъ, и яко богъ от волхвъ дары
        и поклоненiе прiатъ, – яко человђкъ бђжааше въ Египетъ,
        и яко богу {Отцу} – рукотворенiа египетъскаа поклонишася!

(05)  Яко человђкъ прiиде на крещенiе,

(06)  и ако бога Iорданъ, устрашився, възвратися, – яко человђкъ,
        обнажився, вълђзе въ воду, и ако богъ от Отца послушьство
        прiатъ: «Се – есть Сынъ мои възлюбленыи!» – яко человђкъ
        постися 40 днiи, възаалка, и яко богъ побђди искушающаго!

(07)  Яко человђкъ иде –

(08)  на бракъ Кана Галилђи, и ако богъ воду въ вино приложи, –
        яко {простъ} человђкъ въ корабли съпааше, и ако богъ {Отец}
        запрђти вђтромъ и морю, и послушашя его, – яко человђкъ
        по Лазари прослезися, и ако богъ въскрђси и от мертвыихъ!

(09)  Яко человђкъ –

(10)  на осля въсђде, и ако богу звааху: «Благословленъ грядыи въ имя
        Господне!» – яко человђкъ распятъ бысть, и ако богъ своею властiю
        съпропятааго съ нимъ въпусти въ раи, – яко человђкъ оцьта въкушь,
        испусти духъ, и ако богъ – солнце помрачи и землею потрясе!

(11)  Яко человђкъ –

(12)  въ гробђ положенъ бысть, и ако богъ ада раздруши и душђ свободи, –
        яко человђка печатлђша въ гробђ, и ако богъ изиде, печати цђлы
        съхрань, – яко человђка тъщаахуся iудеи утаити въскресенiе, мьздяще
        стражи, нъ яко богъ увђдђся и познанъ бысть всђми конци земля!

(13)  По истинђ: «Кто богъ велiи, яко богъ нашь?!» – тъ есть: богъ творяи
        чюдеса, съдђла спасенiе посредђ земля крестом и мукою на мђстђ
        лобнђмь, въкусивъ оцта и зълчи, да сластнааго въкушенiа Адамова,
        еже от дрђва прђступленiе и грђх въкушенiемь горести проженеть!

7.

(01)  Си же, сътворьшеи ему, –

(02)  прђтъкнушася о нь, акы о камень, и съкрушишася! –
        якоже Господь глаголааше: «Падыи на камени семь
        съкрушится, а на немь же падеть, съкрушить и!»

(03)  Прiиде бо к нимъ, исполняа пророчьства, прореченаа о немь, якоже
        и глаголааше: «Нђсмь посланъ, тъкмо къ овцамъ погыбшiимъ дому –
        Израилева!» – и пакы: «Не прiидохъ разоритъ закона, нъ исполнитъ!» –
        и – къ хананђи иноязычници, просящи исцђленiа дъщери своеи,
        глаголааше: «Нђсть добро отъяти хлђба чядомъ и поврещи псомъ!»

(04)  Они же –

(05)  нарекоша сего: лестьца {и от блуда рождена}, – и о Велизђвулђ бђсы / (ГИМ, Увар.)
        изгоняща, Христосъ – слђпыа ихъ просвђти, прокаженыа очисти,
        слукыа исправи, бђсныа исцђли, раслабленыа укрђпи, мертвыа
        въскрђси! – они же – яко злодђа мучивше, крестђ пригвоздиша,
        сего ради прiиде на ны – гнђвъ божiи конечныи, якоже и сами –

(06)  послуствоваша своеи погыбели!
                ________

(07)  Рекшу Спасу притьчю –

(08)  о виноградђ и о дђлателех, что убо сътворить, дђлателемь
        тђмь отвђщаша: «Злы злђ погубить я и виноградъ прђдасть
        инђмь дђлателемь, иже въздадять 1 плоды въ времена своа!» –
        и сами своеи погыбели пророци быша, приде бо на землю
        посђтить ихъ и не прiаша его, понеже дђла ихъ темна бяаху,
        не възлюбиша свђта, да не явятся дђла ихъ, яко темьна суть!

Ремарки: 1 – [ему]

(09)  Сего ради приходя –

(10)  Исусъ къ Iеросалиму, видђвъ градъ, прослезися, глаголя
        о немъ, яко: «Аще бы разумђлъ ты въ день твои сь яже
        къ миру твоему, – нынђ же съкрыся отъ очiю твоею, яко –
        прiидуть денiе, 1 и обложять врази твои острогъ о тобђ,
        и обидуть, 2 и обомуть 3 всюду, и разбiють тя и чада твоа
        въ тобђ, понеже – не разумђ врђмене посђщенiа твоего!»

Ремарки: 1 – [на тя] 2 – [тя] 3 – [тя]

(11)  И пакы: «Iерусалимъ, Iерусалимъ!

(12)  Избивающiа пророкы каменiемь, побивающи посланыа
        к тобђ! колижды въсхотђх – събирати чяда твоа, яко же
        събираеть кокошь птеньцђ под крилђ, 1 и не въсхотђсте!
        се {же} – оставляется домъ вашь пустъ!» – якоже и бысть.

Ремарки: 1 – [свои]


< ЧТЕНИЕ ТРЕТЬЕ: «Вђра прострђся и до нашего языка рускааго доиде» >

8.

(01)  Пришедъше бо римляне, плђниша Iерусалимъ – и разбиша
        до основанiа его, – iудеиство оттолђ погыбе, и законъ по семь,
        яко вечерьнђи зарђ, погасе, и расђяни быша iудеи по странамъ:

(02)  да не въкупь злое пребываеть!
                ________

(03)  Приде бо Спасъ –

(04)  и не прiать бысть от Израиля, и по евангельскому слову:
        «Въ своа прiиде и свои его не прiаша!» – от языкъ же прiатъ –
        бысть! – яко же рече Iаковъ: «И тъ чаянiе языкомъ!» – ибо и
        въ рожденiи его вълсви от языкъ прђжде поклонишася ему,
        а iудеи убити его искааху, его же ради и младенця избиша!

(05)  И събысться слово Спасово, яко: «Мнози ото въстокъ и западъ
        прiидуть и възлягуть съ Авраамомъ и Исакомъ {и} Iаковомъ
        въ царствiи небеснђмь, а сынове царьствiа изгнани будуть –
        въ тму кромђшнюю!» – и пакы {слово}, яко: «Отимется от вас –
        царство божiе, и дасться странамъ, творящiимъ плоды его!»

(06)  Къ ним же посла ученикы своа, глаголя: «Шедъше въ весь мiръ,
        проповђдите евангелiе всеи твари, да иже вђруеть и крьститься,
        спасенъ будеть!» – и: «Шьдъше, научите вся языкы, крестяща я
        въ имя Отца и Сына и святаго Духа, учяще я блюсти вся, елика –
        заповђдах вамъ!» – лђпо бђ благодати и истинђ на новы люди –

(07)  въсiати!

(08)  Не въливають бо, по словеси –

(09)  Господню, вина новааго ученiа благодђтьна – въ мђхы ветхы,
        обетъшавъши въ iудествђ: аще ли, то просядутся мђси и вино
        пролђется!» – не могъше бо закона стђня удержати, но многажды
        идоломъ покланявшеся, како истинныа благодђти удержать?! 1
        нъ ново ученiе – новы мђхы, новы языкы! и обое съблюдется!

Ремарки: 1 – [ученiе]

(10)  Якоже и есть, – вђра бо благодђтьнаа по всеи земли прострђся –
        и до нашего языка рускааго доиде: и законное езеро прђсъше,
        евангельскыи же источникъ наводни вся и всю землю покрывъ –
        и до насъ разлiася! – се бо уже – и мы съ всђми христiаными
        славимъ 1 Троицу, а Iудеа молчить, Христос славимъ бываеть!

Ремарки: 1 – [святую]

(11)  А iудеи кленоми! языци приведени, а iудеи отриновени, яко же
        пророкъ Малахiа рече: «Несть ми хотђнiа въ сынехъ Израилевђх,
        и жертвы от рукъ ихъ не прiиму, понеже ото въстокъ же и западъ
        имя мое – славимо есть въ странахъ, и на всякомъ мђстђ темiанъ
        имени моему приносится, яко имя мое – велико въ странах!»

(12)  И Давидъ: «Вся земля – да поклонить ти ся и поеть тобђ!» – и:
        «Господи, Господь нашь, яко чюдно – имя твое по всеи земли!»

9.

(01)  И уже не идолослужителе зовемся, нъ христiанiи, не еще
        безнадежници, нъ уповающе – въ жизнь вђчную, и уже
        не капище 1 съграждаемь, нъ – Христовы церкви зиждемь,
        уже не закалаемь бђсомъ другъ друга, нъ – Христос за ны
        закалаемь бываеть и дробимъ въ жертву богу и Отьцю,
        и уже не жерьтвеныа крове въкушающе погыбаемь, нъ –
        Христовы пречистыа крове въкушающе – съпасаемся!

Ремарки: 1 – [сътонино]

(02)  Вся страны благыи богъ нашь помилова и насъ не презрђ,
        въсхотђ – и спасе ны, и въ разумъ истинныи {ны} приведе! –
        пустђ бо и прђсъхлђ земли нашеи сущи, идольскому зною
        исушивъши ю, вънезаапу потече источникъ евангельскыи,
        напаая всю землю нашу, яко же рече Исаiа: «Разверзется
        вода ходящiимъ по безднђ, и будеть безводнаа въ блата,
        и въ земли жажущiи – {нетлђнiя} источникъ воды будеть!»

(03)  Бывшемъ намъ слђпомъ и истиннааго свђта не видящемь,
        нъ въ льсти идольстiи блудящемь, къ сему же и глухомъ
        от спасенааго ученiа, помилова ны богъ и въсiа и въ насъ
        свђтъ разума, еже познати его, по пророчьству: «Тогда –
        отверзутся очеса слђпыих и ушеса глухыих услышать!»

(04)  И потыкающемся намъ въ путех погыбели, еже бђсомъ
        въслђдовати и пути, ведущааго въ живот, не вђдущемь,
        къ сему же гугънахомъ языкы нашими, моляше идолы,
        а не бога своего и творца, посђти насъ человђколюбiе
        божiе – и уже не послђдуемь бђсомъ, нъ ясно славимъ
        Христа бога нашего, по пророчьству: «Тогда скочить,
        яко елень, хромыи, и ясенъ будеть языкъ гугнивыих!»

(05)  И прђжде –

(06)  бывшемь намъ, яко звђремь и скотомъ, не разумђющемь
        десницђ и шюицђ и земленыих прилежащем, и ни мала
        о небесныих попекущемся, 1 Господь и къ намъ заповђди
        {посла}, ведущаа въ жизнь вђчную, по пророчьству Iосiину:
        «И будеть въ день онъ, глаголеть Господь, завђщаю имъ –
        завђтъ съ птицами небесныими и звђрьми земленыими,
        и реку не людем моимъ: людiе мои вы! – и ти ми рекуть:

Ремарки: 1 – [посла]

(07)  Господь богъ нашь еси ты!»

10.

(01)  И тако странни суще, людiе божiи нарекохомся, и врази бывше,
        сынове его прозвахомъся, и не iудеискы хулимъ, нъ христiаньскы
        благословимъ, не совђта творим, яко распяти, нъ яко распятому
        поклонитися, не распинаемь Спаса, нъ рукы к нему въздђваемь!

(02)  Не прободаемь ребръ, нъ от них пiемь источьникъ нетлђнiа,
        не тридесяти сребра възимаемь на немь, нъ {вси} другъ друга
        и весь животъ нашь тому прђдаемь, не таимъ въскресенiа, нъ
        въ всђх домех своих зовемь: «Христос въскресе изъ мертвыих!»

(03)  Не глаголемь, яко украденъ бысть, но яко възнесеся, идеже и бђ,
        не невђруемь, нъ яко Петръ къ нему глаголемь: «Ты еси Христос,
        сынъ бога живааго!» – съ Фомою: «Господь нашь и богъ ты еси!» –
        съ разбоиникомъ: «Помяни ны, Господи, въ царствiи своемь!»

(04)  И тако вђрующе къ нему –

(05)  и святыихъ отець седми съборъ прђданiе держаще, молимъ бога
        и еще и еще – поспђшити и направити ны на путь заповђдiи его!
        и събысться о насъ языцђх реченое: «Открыеть Господь мышьцу
        свою святую прђдъ всђми языкы, и узрять вси конци земля спасенiе,

(06)  еже от бога нашего!»
                ________

(07)  И другое: «Живу азъ, глаголеть Господь, яко мнђ поклонится
        всяко колђно, и всякъ языкъ исповђсться богу!» – и Исаино:
        «Всяка дебрь исполнится и всяка гора и холмъ съмђрится,
        и будуть криваа въ праваа, и острiи въ пути гладъкы, и явится
        слава Господня, и всяка плоть узрить спасенiе бога нашего!»

(08)  И Данiиле: «Вси людiе, племена и языци тому поработають!» –
        и Давидъ: «Да исповђдатся тобђ людiе, боже, да исповђдатся
        тобђ людiе вси! Да възвеселятся и възрадуются {вси} языци!» – и:
        «Вси 1 въсплещђте руками и въскликнђте богу гласомъ радости,
        яко: Господь вышнiи и страшенъ, царь великъ по всеи земли!»

Ремарки: 1 – [языци]

(09)  И по малђ: «Поите богу нашему, поите, (поите цареви нашему,
        поите), яко – царь всеи земли богъ, поите разумно, въцарися –
        богъ надъ языкы!» – и: «Вся земля да поклонить ти ся и поеть
        тобђ, {Господи боже}, да поеть же – имени твоему, Вышнiи!» –
        и: «Хвалите Господа – вси языци, и похвалите – вси людiе!»

(10)  И еще: «Ото въстокъ и до западъ хвално имя Господне, высокъ
        надъ всђми языкы Господь {бог нашь}, надъ небесы слава его!» –
        «По имени твоему, боже, тако и хвала твоа на коньцих земля!» –
        «Услыши ны, боже, Спасителю нашь, упованiе всђмъ концемь
        земли и сущiимъ въ мори далече!» – и: «Да познаемь на земли –

(11)  путь твои и въ всђхъ языцђх спасенiе твое!» – и: «Царе земьстiи
        и вси людiе, князи и вси судiи земьскыи, юношђ и дђвы, старци
        съ юнотами да хвалять имя Господне!» – и Исаино: «Послушаите
        мене, людiе мои, глаголеть Господь, и царе къ мнђ вънушите,
        яко законъ от мене изидеть и судъ мои свђтъ странамъ, {скоро} –

(12)  приближается 1 правда моа, и изыдеть, яко свђтъ, спасенiе мое,
        мене острови жидуть и на мышьцю мою страны уповають!»

Ремарки: 1 – [скоро]


        < КОНЕЦ ЧАСТИ ПЕРВОЙ >


                •  •  •



< ЧАСТЬ ВТОРАЯ: «ПОХВАЛИМ ЖЕ И МЫ!» >


< ЧТЕНИЕ ЧЕТВЕРТОЕ: «Похвала кагану Влодимеру» >

11.

(01)  Страны уповають! Хвалить же похвалныими гласы –
        Римьскаа страна – Петра и Паула, имаже вђроваша –
        въ Исуса Христа, Сына божiа, Асiа и Ефесъ, и Патмъ –
        Iоанна Богословьца, Индiа – Фому, Египетъ – Марка, –
        вся страны и гради, и людiе чтуть и славять коегождо
        ихъ учителя, иже – научиша я православнђи вђрђ!

(02)  Похвалимъ же и мы, по силђ нашеи,

(03)  малыими похвалами великаа и дивнаа сътворьшааго –
        нашего учителя и наставника, великааго кагана нашеа
        земли – Володимера, вънука старааго Игоря, сына же
        славнааго Святослава, иже въ своа лђта владычествующе,
        мужьствомъ же и храборъствомъ прослуша въ странахъ – 1
        и побђдами и крђпостiю поминаются нынђ и словуть!

Ремарки: 1 – [многах]

(04)  Не въ худђ бо и невђдомђ земли владычьствоваша, нъ –
        въ Руськђ, яже вђдома и слышима есть всђми четырьми –

(05)  конци земли!
                ________

(06)  Сiи славныи –

(07)  от славныихъ рожься, благороденъ – от благородныих, каганъ
        нашь Влодимеръ, и възрастъ и укрђпђвъ от дђтескыи младости,
        паче же възмужавъ, крђпостiю и силою съвершаяся, мужьствомъ 1
        и съмыслом прђдъспђа, и единодержець бывъ земли, 2 покоривъ
        подъ ся округъняа страны: овы миромъ, а непокоривыа мечемь!

Ремарки: 1 – [же] 2 – [своеи]

(08)  И тако ему въ дни свои живущю и землю свою пасущу правдою,
        мужьствомь же и съмысломъ, приде на нь посђщенiе Вышняаго,
        призрђ на нь всемилостивое око благааго бога, и въсiа разумъ
        въ сердци его, яко разумђти суету идольскыи льсти, възыскати –
        единого бога, сътворьшааго всю тварь видимую и невидимую!

(09)  Паче же слышано ему бђ всегда о благовђрьнiи земли Гречьскђ,
        христолюбиви же и сильнђ вђрою, како единого бога въ Троици
        чтуть и кланяются, како въ них дђются силы и чюдеса и знаменiа,
        како церкви люди исполнены, како вси гради благовђрьни, {како}
        вси въ молитвах предстоять, вси богови прђстоять! – и си слыша,

(10)  въждела (убо} сердцемь, възгорђ духомъ, яко:
        быти ему христiану и земли его! – еже и бысть,
        богу тако изволившу – человђчьское естьство!

(11)  Съвлђче же ся убо каганъ нашь – и съ ризами ветъхааго человђка
        съложи тлђннаа, оттрясе прахъ невђрiа и вълђзе въ святую купђль,
        и породися от Духа и воды, въ Христа {бога} крестився, въ Христа
        облђчеся, и изиде от купђли бђлообразуяся, сынъ бывъ нетлђнiа,
        сынъ въскрђшенiа, имя прiимъ вђчно, именито на роды и роды, –

(12)  Василiи, имже – написася въ книгы животныа
        въ вышнiимъ градђ и нетлђннђимъ Iерусалимђ!

12.

(01)  Сему же бывьшу,

(02)  не доселђ стави благовђрiа подвига, ни о том токмо яви сущую
        въ немь къ богу любовь, нъ подвижеся паче, заповђдавъ по всеи
        земли и крьститися въ имя Отца и Сына и святаго Духа, и ясно,
        и велегласно въ всђх градђх славитися святђи Троици, и всђмъ
        быти христiаномъ: малыим и великыимъ, рабомъ и свободныим,
        уныим и старыим, бояромъ и простыим, богатыим и убогыимъ!

(03)  И не бы ни единого же противящася благочестному 1 повелђнiю,
        да аще кто и не любовiю, нъ страхом повелђвшааго крещаахуся,
        понеже бђ благовђрiе его съ властiю съпряжено, и въ едино время
        вся земля наша въславђ Христа съ Отцемь и съ святыимъ Духомъ! –
        тогда начатъ мракъ идольскыи от нас отходити, и зорђ благовђрiа
        явишася, тогда тма бђсослуганiа погыбе, и слово евангельское –

Ремарки: 1 – [его]

(04)  землю нашю осiа!

(05)  Капища разрушаахуся –

(06)  и церкви поставляахуся! идоли съкрушаахуся – и иконы святыих
        являахуся! бђси пробђгааху, крестъ грады свящааше! пастуси {овець}
        словесныихъ 1 Христовъ епископи сташа прђд святыимъ олтаремь,
        жертву бескверньную възносяще! попове и дiакони, и весь клиросъ,
        украсиша и въ лђпоту одђша святыа церкви! апостольскаа труба
        и евангельскы громъ вси грады огласи! темiанъ, богу въспущаемь,

Ремарки: 1 – [овець]

(07)  въздух освяти!

(08)  Манастыреве на горах сташа, черноризьци явишася, мужи и жены,
        и малiи, и велицiи, вси людiе, исполнеше святыа церкви, въславиша,

(09)  глаголюще:

(10)  «Единъ святъ, единъ Господь, Исус Христос, въ славу
        богу Отцу, аминь! Христос побђди! Христос одолђ!
        Христос въцарися! Христос прославися! великъ еси,
        Господи, и чюдна дђла твоа! боже нашь, слава тебђ!»

13.

(01)  Тебе же –

(02)  како похвалимъ, о честныи и славныи въ земленыих владыках,
        прђмужьственыи Василiе?! како добротђ {твоеи} почюдимся,
        крђпости же и силђ?! каково ти благодарiе въздадимъ?! яко –
        тобою познахомъ Господа и льсти идольскыа избыхомъ, яко
        твоимъ повелђнiемь по всеи земли твоеи Христос славится!

(03)  Ли что – ти приречемь, христолюбче, друже
        правдђ, съмыслу мђсто, милостыни гнђздо!

(04)  Како – вђрова? како – разгорђся въ любовь Христову? како –
        въселися въ тя разумъ выше разума земленыихъ мудрець,
        еже невидимаго възлюбити и о небесныихъ подвигнутися?!

(05)  Како – възиска Христа, како – предася ему?

(06)  Повђждь намъ, рабомъ твоимъ, повђждь, учителю нашь!
        откуду – ти припахну воня святааго Духа? откуду испи –
        памяти будущая жизни сладкую чашу? откуду въкуси –

(07)  и видђ, яко: благъ Господь?
                ––––––––

(08)  Не видилъ еси Христа, не ходилъ еси по немь, како {его} –
        ученикъ 1 обрђтеся? ини, видђвше его, не вђроваша, ты же,
        не видђвъ, вђрова! поистинђ – бысть на тебђ блаженьство
        Господа Исуса, реченое къ Фомђ: «Блажени не видђвше –
        и вђровавше!» – тђмже съ дръзновенiемь и несуменно зовемь
        ти: о блажениче! – самому тя Спасу нарекшу, блаженъ еси,
        яко вђрова къ нему и не съблазнися о немь, по словеси его
        нелъжнууму: «И блаженъ есть, иже не съблазниться о мнђ!»

Ремарки: 1 – [его]

(09)  Вђдущеи бо законъ и пророкы –
        распяша 1 {Господа Исуса}, ты же,

Ремарки: 1 – [и]

(10)  ни закона, ни пророкъ почитавъ, распятому – поклонися! –
        како ти сердце разверзеся?! како въниде въ тя страхъ божiи?!
        како прилђпися любъви его, не видђ апостола, пришедша
        въ землю твою и нищетою своею и наготою {своею}, гладомъ
        и жаждею сердце твое на съмђренiе клоняща, не видђ бђсъ,
        изъгонимъ именемь Исусовомъ Христовомъ, болящiихъ
        съдравђють, нђмыихъ глаголють, огня на хладъ прилагаема,
        мертвыих въстають, – сихъ всђхъ не видђвъ, како убо вђрова?!

(11)  Дивно чюдо! ини царе и властеле, видяще вся си, бывающа
        от святыихъ мужь, не вђроваша, нъ паче на мукы и страсти
        прђдаша ихъ! ты же, о блажениче, безъ всђхъ сихъ притече
        къ Христу, токмо от благааго съмысла и остроумiа разумђвъ,
        яко есть богъ – единъ творець невидимыимъ и видимыим,
        небесныимъ и земленыимъ, и яко – посла въ мiръ спасенiа
        ради възлюбенаго Сына своего, – и си помысливъ, въниде –
        въ святую купђль, еже инђмь уродьство мнится, тобђ сила –

(12)  божiа въмђнися!

14.

(01)  Къ сему же –

(02)  кто исповђсть многыа твоа нощныа милостыня
        и дневныа щедроты, яже къ убогыимъ творяаше,
        къ сирыимъ, къ болящiимъ, къ дължныимъ,
        къ вдовамъ и къ всђмь требующимъ милости?!

(03)  Слышалъ бо бђ глаголъ,

(04)  глаголаныи Даниломъ къ {царю} Науходоносору: «Съвђтъ мои –
        да будеть ти годђ, 1 Науходоносоре, грђхы твоа милостинями
        оцђсти и неправды твоа щедротами нищiихъ!» – еже слышавъ,
        ты {бо}, о честьниче, не до слышанiа стави глаголаное, нъ дђломъ
        съконча: просящiимъ подаваа, нагыа одђвая, жадныа и алчныа
        насыщая, болящiимъ всяко утђшенiе посылаа, должныа искупая,
        работныимъ свободу дая! твоа бо щедроты и милостыня и нынђ
        въ человђцђхъ поминаемы суть, паче же пред богомъ и аггеломъ! 2

Ремарки: 1 – [царю] 2 – [его]

(05)  Ея же ради доброприлюбныа богомъ –

(06)  милостыня! много дръзновенiе имђеши къ нему, яко присныи
        Христовъ рабъ, – помагаеть ми словеси рекыи, {яко}: «Милость
        хвалится на судъ!» – и: «Милостыни мужу, акы печать съ нимъ!» –
        вђрнђе же самого Господа глаголъ: «Блажени милостивiи, яко
        тђ помиловани будуть!» – ино же, яснђе и вђрнђе послушьство
        приведемь о тебђ – от святыихъ писанiи, реченое от Iакова –
        апостола, яко: «Обративыи грђшника от заблужденiа пути его –
        спасеть душу от смерти и покрыеть множество грђховъ!»
                ________

(07)  Да аще единого человђка обративъшууму толико възмездiе
        от благааго бога, то каково убо спасенiе обрђте, о Василiе?!
        како брђмя грђховное расыпа, {не} единого обративъ человђка
        от заблужденiа идольскыа льсти, ни десяти, ни града, нъ всю
        область сiю?! – показаеть ны и увђряеть самъ Спасъ Христос,
        какоя тя славы и чьсти сподобилъ есть на небесђхъ, глаголя:

(08)  «Иже исповђсть мя прђд человђкы, исповђмь и –
        и азъ прђд Отцемь моим, иже есть на небесђх!»

(09)  Да аще исповђданiе {о собђ} –

(10)  прiемлеть 1 от Христа къ богу Отцу исповђдавъ и его токмо
        прђд человђкы, колико ты похваленъ от него имаши быти?!

Ремарки: 1 – [о собђ]

15.

(01)  Не токмо исповђдавъ, яко «Сынъ божiи есть Христос»,
        нъ 1 и вђру его уставль не въ единомь съборђ, нъ по всеи
        земли сеи и церкви Христови поставль, и служителя ему
        въведъ – подобниче великааго Коньстантина, равноумне,
        равнохристолюбче, равночестителю служителемь его!

Ремарки: 1 – [исповђдавъ]

(02)  Онъ съ {епископы} 1 Никеискааго Събора закон 2 полагааше,
        ты же съ новыими нашими 3 епископы сънимаяся чясто, 4
        съвђщаваашеся: како въ 5 сихъ новопознавшiихъ Господа
        законъ уставити? – онъ въ елинђхъ и римлянђх царьство
        богу покори, ты же – въ Руси: уже бо и въ онђхъ и въ насъ –

Ремарки: 1 – [святыими отци] 2 – [человђкомъ] 3 – [отци]
4 – [съ многымъ съмђренiемь] 5 – [человђцђхъ]

(03)  Христос царемь зовется!

(04)  Онъ съ матерiю своею –

(05)  Еленою крестъ от Iерусалима принесъша, по всему
        мiру своему раславьша, раславъша, вђру утвердиста! –
        ты же съ бабою твоею – Ольгою принесъша крестъ
        от новааго Iерусалима, Коньстянтина града, {и сего} –
        по всеи земли своеи поставивша, утвердиста вђру!

(06)  Егоже убо подобникъ сыи, съ тђмь же единоя славы
        и чести обещьника сътворилъ тя Господь на небесђх
        благовђрiа твоего ради, еже имђ въ животђ своемь!
                ________

(07)  Добръ пастухъ благовђрiю твоему, о блажениче, 1
        церкви – святыа Богородица Марiа, юже създа –

Ремарки: 1 – [святаа]

(08)  на правовђрьнђи основђ, идеже и мужьственое твое тђло
        нынђ лежит, жида – трубы архаггельскы! – добръ же зђло
        и вђренъ послухъ сынъ твои Георгiи, егоже сътвори Господь
        намђстника по тебђ твоему владычьству, не рушаща твоих
        уставъ, нъ утвержающа, ни умаляюща твоему благовђрiю –

(09)  положенiа, но паче прилагающа, не сказаша, нъ учиняюща,
        иже недоконьчаная твоа наконьча, акы Соломонъ Давидова,
        иже дом божiи великыи святыи его прђмудрости създа –1
        граду твоему, юже съ всякою красотою украси: златомъ
        и сребромъ, и каменiемь драгыимъ, и съсуды честныими!

Ремарки: 1 – [на святость и освященiе]

(10)  Яже церкви – дивна и славна всђмъ округънiимъ странамъ,
        яко же ина не обрящется въ всемь полунощи земнђђмь –
        ото въстока до запада, и {величьствомъ} славныи градъ твои
        Кыевъ, 1 яко вђнцемь, обложилъ, прђдалъ люди твоа и градъ
        святђи, всеславнiи, скорђи на помощь христiаномъ святђи –

Ремарки: 1 – [величьствомъ]

(11)  Богородици, еи же и церковь на Великыихъ вратђх създа – 1
        первааго Господьскааго праздника святааго Благовђщенiа,
        да еже цђлованiе архаггелъ дасть Дђвици, будеть и граду –
        сему! къ онои бо: «Радуися, обрадованаа! Господь с тобою!» –
        къ граду же: «Радуися, благовђрныи граде! Господь с тобою!»

Ремарки: 1 – [въ имя]

16.

(01)  Въстани, о честнаа главо, от гроба твоего! въстани! оттряси –
        сонъ, нђси бо умерлъ, нъ спиши до обьщааго всђмъ въстанiа!
        въстани, нђси умерлъ! нђсть бо ти лђпо умрђти, вђровавъшу –
        въ Христа, живота всему мiру! оттряси сонъ, възведи очи, да –
        видиши, какоя тя чьсти Господь тамо съподобивъ, и на земли
        не беспамятна оставилъ сыномъ твоимъ! въстани, виждь чадо
        свое Георгiа, виждь утробу свою, виждь милааго своего, виждь!

(02)  Егоже Господь изведе от чреслъ твоихъ, виждь красящааго –
        столъ земли твоеи, и возрадуися и възвеселися! къ сему же –
        виждь и благовђрную сноху твою Ерину, виждь вънукы твоа
        и правнукы: како живуть, како храними суть Господемь, како
        благовђрiе держать по предаянiю твоему, како въ 1 церкви
        чястять, како славять Христа, како покланяются имени его!
        виждь же и градъ, величьствомъ сiающь, 2 церкви цветущи!

Ремарки: 1 – [святыа] 2 – [виждь]

(03)  Виждь христiаньство растуще, виждь град, иконами святыихъ
        освђщаемь и блистающеся, и тимiаномъ обухаемь, и хвалами и
        божественаами и пђнiи святыими оглашаемь! и си вся видђвъ,
        възрадуися и възвеселися, и похвали благааго бога, всђмь симъ
        строителя! видђ же, аще и не тђломъ, нъ духомъ показаеть ти
        Господь вся си, о нихъже радуися и веселися, яко твое {въсђанiе} 1
        не исушено бысть зноемь невђрiа, нъ дождемь божiа поспђшенiа –

Ремарки: 1 – [вђрное въсiанiе]

(04)  распложено бысть многоплоднђ!
                ________

(05)  Радуися, въ владыкахъ апостоле,

(06)  не мертвыа тђлесы въскрђшав, нъ душею ны мертвы, умерьшаа
        недугомь идолослуженiа, въскрђсивъ! – тобою бо обожихомъ
        и живота Христа познахомъ, съкорчени бђхомъ от бђсовьскыа
        льсти, и тобою прострохомся и на путь животныи наступихомъ!
        слђпи бђхомъ {бо} 1 сердечныими очима, ослђплени невидђнiемь,
        и тобою прозрђхомъ на свђтъ трисолнечьнаго божьства! нђми
        бђхомъ, и тобою проглаголахомъ, и нынђ уже мали и велицђи –

Ремарки: 1 – [от бђсовьскыа льсти, и тобою прострохомся]

(07)  славимъ единосущную Троицу!

(08)  Радуися, {нашь} –

(09)  учителю 1 и наставниче благовђрiю! ты правдою бђ облђченъ,
        крђпостiю прђпоясанъ, истиною обут, съмысломъ вђнчанъ
        и милостынею, яко гривною и утварью златою, красуяся! ты бђ,
        о честнаа главо, нагыимъ одђнiе, ты бђ алчьныимъ кърмитель,
        ты бђ жаждющiимъ утробђ ухлажденiе, ты бђ въдовицамъ
        помощник, ты бђ странныимъ покоище, ты бђ бескровныимъ
        покровъ, ты бђ обидимыимъ заступникъ, убогыимъ обогащенiе!

Ремарки: 1 – [нашь]

(10)  Имъже благыимъ дђломъ и инђмь възмездiе прiемля на небесђхъ,
        блага, яже уготова {Господь} богъ вамъ, любящiимъ его, и зрђнiа
        сладкааго лица его насыщаяся, помолися о земли своеи и о людех,
        въ нихъ же благовђрно владычьствова, да съхранить а въ мирђ
        и благовђрiи прђданђђмь тобою, и да славится въ нем правовђрiе,
        и да кленется всяко еретичьство, и да съблюдеть а Господь богъ
        от всякоа рати и плђненiа, от глада и всякоа скорби и сътужденiа!

(11)  Паче же –

(12)  помолися о сынђ твоемь, благовђрнђмь каганђ нашемь Георгiи,
        въ мирђ и въ съдравiи пучину житiа прђплути и въ пристанищи
        небеснааго завђтрiа пристати, неврђдно корабль душевны и вђру
        съхраньшу, и съ богатеством добрыими дђлы, безъ блазна же –
        богомъ даныа ему люди управивьшу, стати с тобою непостыдно
        прђд прђстоломъ вседръжителя бога и за трудъ паствы людiи его
        прiати от него вђнець славы нетлђнныа съ всђми праведныими,

(13)  трудившiимися его ради!


< ЧТЕНИЕ ПЯТОЕ: «Молитва къ богу от всея земля нашеа» >

17.

        Мол{итва}.

(01)  Симь же убо, о владыко, царю и боже нашь, высокъ и славне,
        человђколюбче, въздая и противу трудомъ – славу же и честь!

(02)  И причастникы творя своего царьства, помяни, яко – благъ,
        и насъ, нищiихъ твоих, яко имя тобђ человђколюбець! аще
        и добрыих дђлъ не имђемь, нъ многыа ради милости твоеа –
        спаси ны! мы бо – людiе твои и овцђ паствы твоеи, и стадо,
        еже ново начатъ пасти, исторгъ – от пагубы идолослуженiя!

(03)  Пастырю добрыи, положивыи душю за овцђ, не остави насъ,
        аще и еще блудимъ, не отверзи насъ, аще и еще съгрђшаемь ти,
        акы новокупленiи раби, въ всемь не угодяще Господу своему,
        не възгнушаися, аще и мало стадо, нъ рци къ намъ: «Не боися, 1
        яко благоизволи Отець вашь небесныи дати вамъ Царьствiе!»

Ремарки: 1 – [малое стадо]

18.

(01)  Богатыи милостiю и благыи щедротами!

(02)  Обђтщався –

(03)  прiимати кающася и ожидааи обращенiа грђшныихъ, не помяни –
        многыихъ грђхъ нашихъ, прiими ны обращающася к тобђ, заглади
        рукописанiе съблазнъ нашихъ, укроти гнђвъ, имже рагнђвахомъ тя,
        человђколюбче, ты бо еси Господь, владыка и творець, и в тобђ есть –

(04)  власть: или жити намъ, или умрђти!

(05)  Уложи гнђвъ милостиве, егоже достоини есмь по дђломъ нашимъ,
        мимоведи искушенiе, яко персть есмь и прахъ, и не въниди въ судъ
        съ рабы своими, мы людiе твои, тебе ищемь, тобђ припадаемь, тобђ
        ся мили дђемь: съгрђшихомъ и злаа сътворихомъ, не съблюдохомъ,

(06)  ни съхранихомъ, якоже заповђда намъ!

(07)  Земнiи суще, къ земныимъ прђклонихомься и лукавая съдђяхом
        пред лицемь славы твоеа, {боже}, на похоти плотяныа прђдахомся,
        поработихомся грђхови и печалемъ житiискамъ, быхомъ бђгуни 1
        владыкы, убози от добрыихъ дђлъ, окаянiи – злааго ради житiа!

Ремарки: 1 – [своего]

(08)  Каемся, просимъ, молимъ! каемся – злыихъ своихъ дђлъ, просимъ –
        «{Господи боже,} да страхъ твои послеши въ сердца наша», молимъ –

(09)  да на Страшнђмъ Судђ помилуеть ны!

19.

(01)  Спаси –

(02)  ущедри, призри, посђти, умилосердися, помилуи,
        твои бо есмь, твое созданiе, твоею руку дђло, {боже}! –
        аще бо безаконiа назриши, Господи, 1 кто постоить?!
        аще въздаси комуждо – по дђломъ, то кто спасется?!

Ремарки: 1 – [Господи]

(03)  Яко –

(04)  от тебе оцђщенiе есть, 1 от тебе милость и много избавленiе,
        и души наши въ руку твоею, и дыханiе наше въ воли твоеи! –
        {донелђ} 2 же бо благопризиранiе 3 на насъ, благоденьствуемь,
        аще ли съ яростiю призриши, ищезнемь, яко утреняа роса!

Ремарки: 1 – [яко] 2 – [отонелђ] 3 – [твое]

(05)  Не постоить бо –

(06)  прахъ противу бури, и мы противу гнђву твоему, нъ яко тварь
        от сътворивъшааго ны милости просимъ: помилуи ны, боже,
        по велицђи милости твоеи! все бо благое от тебе на нас, все же
        неправедное от нас к тобђ: вси бо уклонихомся, вси въкупђ –

(07)  неключими быхомъ, нђсть от насъ ни единого о небесныихъ
        тщащася и подвизающа, нъ вси о земныихъ, вси о печалех
        житiискыихъ, яко оскудђ прђподобныих на земли! – не тебе –
        оставляющу и прђзрящю насъ, но намъ тебе не възискающем!

20.

(01)  Нъ видимыихъ сихъ прилежащемь, тђмже боимся, егда –
        сътвориши на насъ, яко на Iеросалимђ, оставлешiимъ тя
        и не ходившiимъ въ пути твоа, нъ не сътвори намъ, {боже},
        яко и онђмь по дђломъ нашимъ, ни по грђхом нашимъ
        въздаи намъ, нъ терпђ на насъ, {боже}, и еще долго терпе!

(02)  Устави гнђвныи твои пламень, {Господи},

(03)  простираются на ны, рабы твоа, {боже}, самъ направляа
        ны на истину твою, научая ны творити волю твою, яко ты
        еси богъ нашь, и мы людiе твои, твоа чясть, твое достоянiе, –
        не въздђваемь бо рукъ 1 къ богу туждему, ни послђдовахом
        лъжууму коему пророку, ни ученiа еретичьскаа держимъ,

Ремарки: 1 – [наших]

(04)  нъ – тебе призываемь истиньнааго бога!

(05)  И къ тебђ, живущему на небесђхъ, очи 1 възводимъ, къ тебђ
        рукы наши въздђваемь, молим ти ся: оттъдаждь намъ, яко –
        благыи человђколюбець, помилуи ны, призываа грђшникы
        въ покаанiе, и на Страшнђмь твоемь Судђ деснааго стоянiа
        не отлучи насъ, нъ благословленiа праведныих причасти насъ!

Ремарки: 1 – [наши]

(06)  И донелђ же стоить мiръ, не наводи на ны напасти искушенiа,
        ни прђдаи 1 – въ рукы чюждiихъ, да не прозоветься градъ твои –
        градъ плђненъ, и стадо твое – пришельци въ земли не своеи,
        да не рекуть страны: «Кде есть богъ их?» – не попущаи на ны
        скорби и глада, и напрасныихъ съмертiи, огня {и} потопленiа!

Ремарки: 1 – [насъ]

(07)  Да не отпадуть от вђры нетвердiи вђрою!

(08)  Малы показни, а много помилуи, малы язви, а милостивно
        исцђли, въ малђ оскорби, а въ скорђ овесели, яко не трьпить
        наше естьство дълго носити гнђва твоего, яко стеблiе огня! –
        нъ укротися, умилосердися, яко твое есть еже помиловати –
        и спасти! тђмже продължи милость твою на людех твоихъ:

(09)  ратныа прогоня, миръ утверди, страны укроти, глады угобзи,
        владыкђ наши огрози странамъ, боляры умудри, грады расили,
        церковь твою възрасти, достоянiе свое съблюди, мужи и жены,
        и младенцђ спаси, сущаа въ работђ, въ плоненiи, въ заточенiи,
        въ путех, въ плаванiи, въ темницах, въ алкотђ и жажди и наготђ –

(10)  вся помилуи, вся утђши,

(11)  вся обрадуи, радость творя имъ – и тђлесную и душевную!
        молитвами, моленiемь прђчистыа ти Матере и святыихъ
        небесныихъ силъ, и Прђдтечи твоего и Крестителя Iоанна,
        апостолъ {и} пророкъ, мученикъ {и} преподобныихъ, и всђхъ
        святыихъ молитвами умилосердися на ны и помилуи ны!

(12)  Да милостью твоею пасоми, {боже}, въ единенiи вђры, въкупђ,
        весело и радостно – славимь тя, Господа нашего Исуса Христа,
        съ Отцемь, съ 1 Духомь – Троицу нераздельну, единобожествену,
        царьствующу – на небесђх и на земли, аггеломъ и человђкомъ,
        видимђи и невидимђи твари, нынђ и присно и въ вђкы вђком!

Ремарки: 1 – [пресвятыимъ]

(13)  Аминь.


        < КОНЕЦ ЧАСТИ ВТОРОЙ >


                •  •  •



< ЭПИЛОГ: «Вђрую въ единого Бога Отца вседръжителя» >

(01)  Вђрую –

(02)  въ единого бога Отца вседръжителя, творца –
        небу и земли и видимыимъ и невидимыимъ!

(03)  И въ единого Господа –

(04)  Исуса Христа, Сына божiя единочадааго, от Отца
        рожденааго прђжде всђх вђкъ, Свђта от Свђта, бога
        истинна от бога истинна, рождена, а не сътворена,
        единосущна {богу} Отцу, имже вся быша, насъ ради
        человђкъ, и за наше спасенiе съшедшааго съ небесъ!

(05)  И въплощьшаагося от Духа Свята и Марiи Дђвицђ,
        въчеловђчьшася, и распята за ны при Поньтђстђмь
        Пилатђ, {и} страстьна, и погребена, {и} въскресъшааго
        въ третiи день по Писанiемь, въшедшааго на небеса,
        и сђдяща одесную Отца, и пакы грядуща съ славою –

(06)  судити живыимъ и мертвыимъ,
        его же царствiю – нђсть конца!

(07)  И въ Духа святааго, Господа, и животворящааго,
        исходящааго отъ Отца, иже съ Отцемь и съ Сынъ
        съпокланяемь и съславимъ, глаглавшаго пророкы!
        въ едину святую, съборную и апостольскую церковь!
        исповђдаю едино крещенiе въ оставленiе грђховъ!

(08)  Чаю –

(09)  въскрђшенiа мертвыимъ
        и жизни будущааго вђка!

(10)  Аминь.


        < КОНЕЦ «ПОВЕСТИ» >


                •  •  •



< II. «ТРОННАЯ РЕЧЬ» ЛАРИОНА >


1.

(01)  Вђрую въ единого бога, славимаго въ Троици: Отца –
        нерождена, безначала, бесконечна, Сына же рождена,
        събезначална же и бесконечна, Духа свята, исходяща
        изъ Отца и въ Сынђ являющася, събезначальна же –

(02)  такожде, и равна Отцу и Сыну! – Троицу единосущну,
        лици же раздђляющуся Троицу, имены – единаго же
        бога: не съливаю раздђленiа, ни съединенiа раздђляю,
        съвокупляются несмђсно и разделяются нераздђлнђ!

(03)  Отець бо нарицается, понеже – не рожденъ, Сынъ же –
        рожденiа ради, Духъ же – 1 исхода ради, нъ неотходенъ,
        не бываеть же – Отець Сынъ, ни Сынъ Отець, ни Духъ 2
        Сынъ: 3 комуждо свое несмђсно суще развђ божества!

Ремарки: 1 – [cвятыи] 2 – [святыи] 3 – [нъ]

(04)  Едино бо есть –

(05)  божество въ Троици: едино господьство, едино царство!
        обще трисвятое от херувимъ, обещь поклонъ от аггелъ
        и человђкъ, едина слава и благодаренiе – от всего мiра!

2.

(01)  Того единого бога вђдђ и тому вђрую, въ негоже имя
        и крестихъся: въ имя – Отца и Сына и святааго Духа!

(02)  И ако же прiахъ от писанiа святыихъ отець, тако научихся,
        и вђрую, и исповђдаю, яко: Сынъ, благоволенiемь Отчемь
        и святааго Духа хотђнiемь, съниде на землю спасти родъ
        человђчьскъ, небесъ и Отца не отлучися, и святааго Духа
        осђненiемь въселися въ утробу Дђвицђ Марiи, и зачатъся,
        якоже – самъ единъ вђсть, и родися – бесђмене мужеска,
        матерь дђвицею съхрань, якоже и лђпо богу, и въ рожьство,
        и прежде рожьства, и по рожьствђ Сыновьства не отложь!

(03)  На небеси бо безматеренъ, на земли же –

(04)  безъ отца, въздоися, яко человђкъ, и воспитася, и бысть
        человђкъ истиненъ не привидђнiемь, нъ истинно 1 нашеи
        плоти исполнь богъ, исполнь человђкъ въ двђ естьствђ
        и хотђнiи воли: еже бђ, не отложивъ, и еже не бђ, възя!

Ремарки: 1 – [въ]

(05)  Пострада плотiю, яко человђкъ, мене ради, и божествомъ
        бестрасти, яко богъ, – прђбы, умрђ бесьмертныи, да мене
        мертва оживить, съниде къ аду, да прадђда моего Адама
        въставить и обожить, и дiавола съвяжеть! въста, яко богъ,
        изиде изъ мертвыихъ, яко побђдитель Христос, царь мои,
        тридневно, и {пакы} явлеся многъкраты ученикомъ своимъ,
        възиде на небеса къ Отцю, егоже не отлучилъся бђ, и сђде –

(06)  одесную его!

3.

(01)  Чаю же –

(02)  его пакы придуща съ небесе, нъ не отаи, яко же прђжде, нъ –
        въ славђ Отьчи съ небесныими вои, ему же мертвiи гласомъ
        архагглескъмъ противу изидуть, и тъ имат судити живыим
        и мертвыим, и въздати комуждо по дђломъ! 1 и въ 7 Съборъ 2
        {вђрую}: и егоже извергоша, и азъ измђтаю, и егоже прокляша,
        и азъ проклинаю, и яже писанiемь прђдаша намъ, прiимаю!

Ремарки: 1 – [вђрую же] 2 – [правовђрныихъ святыихъ отець]

(03)  Святую и преславную Дђвицу Марiю Богородицу нарицаю,
        чьту же и съ вђрою покланяюся еи! – и на святђи иконђ еи
        Господа моего, яко младеньца на лонђ еи, зрю – и веселюся,
        распята {Господа Исуса} 1 вижду – и радуюся, въскресъша его
        и на небеса идуща съмотря, въздђю руцђ и поклоняюся ему!
        тако же и угодникъ {Господа Исуса Христа} 2 святыихъ иконы, –

Ремарки: 1 – [и] 2 – [его]

(04)  видђвъ, славлю Спасъшааго ихъ, мощи ихъ съ любовiю
        и вђрою цђлую – и чюдеса ихъ проповђдаю, и ицђленiя
        от нихъ прiимаю! къ кафоликiи и апостольстђи церкви
        притђкаю: съ вђрою въхожду, съ вђрою молюся, съ вђрою
        исхожду! – тако вђрую и не постыжюся, и прђдъ народы
        исповђдаю, и исповђданiа ради – и душю свою положю!
                ________

(05)  Слава же богу о всемь, строящему о мнђ выше силы моеа!
        и молите о мнђ, честнђи учителе и владыкы Рускы земля!

(06)  Аминь.

P.S.

(01)  Азъ, милостiю человђколюбивааго бога мнихъ и прозвитеръ, 1
        изволенiемь его от богочестивыихъ епископъ священъ быхъ
        и настолованъ въ велицђмь и богохранимђмь градђ Кыевђ,
        яко быти ми въ немь – митрополиту, пастуху же и учителю, –
        {Иларiонъ}. Быша же си – въ лђто 1 0 5 1 , владычествующу –
        благовђрьному кагану Ярославу, сыну Владимирю. Аминь.

Ремарки: 1 – [Иларiонъ]


        < КОНЕЦ ТЕКСТА >


                •  •  •



        II. АУТЕНТИЧНЫЙ ТЕКСТ: «ПОВЕСТИ» И «ТРОННОЙ РЕЧИ» ЛАРИОНА (© Е. Е. Овчинников)
        (реконструкция эпического текста и структуры исследуемых памятников; здесь – в объеме оглавления)



        ПОВЕСТЬ «О ЗАКОНЕ И О БЛАГОДАТИ И ИСТИНЕ»
        И «ТРОННАЯ РЕЧЬ» ЛАРИОНА



        О Г Л А В Л Е Н И Е :


        I. ПОВЕСТЬ «О ЗАКОНЕ И О БЛАГОДАТИ И ИСТИНЕ» ЛАРИОНА


«О законђ, Моисђомъ данђђмъ, – // и о благодђти и истинђ, Исусомъ Христомъ…»


Пролог: «Благословленъ Господь богъ христiанескъ»
        «Благословленъ – // Господь богъ христiанескъ, яко посђти и сътвори / избавленiе…»


Часть первая: «ХВАЛИТЕ ГОСПОДА!»


Чтение первое: «О законђ и о благодђти и истинђ»

        1. «Прђжде – // законъ, ти по томь благодђть, прђжде – стђнь, ти потомь истина…»
        2. «По сихъ же, уже стару сущу – // Аврааму и Саррђ, явися богъ Аврааму…»
        3. «По {въ}знесенiи же Господа – // Исуса, ученикомъ же и инђмь вђровавшiимъ уже…»

Чтение второе: «Отiиде законъ, благодђти явльшися»

        4. «Събысться благословенiе Манасiино – // на Iюдеихъ, Ефремово же – на христьяныих…»
        5. «По всеи земли уже славится – Троица, / и покланянiе прiемлеть от всеа твари…»
        6. «Яко человђкъ – // млђко прiатъ, и яко богъ пристави аггелы / съ пастухы пђти…»
        7. «Си же, сътворьшеи ему, – // прђтъкнушася о нь, акы о камень, и съкрушишася…»

Чтение третье: «Вђра прострђся и до нашего языка рускааго доиде»

        8. «Пришедъше бо римляне, плђниша Iерусалимъ – и разбиша / до основанiа его…»
        9. «И уже не идолослужителе зовемся, нъ христiанiи, не еще / безнадежници, нъ…»
        10. «И тако странни суще, людiе божiи нарекохомся, и врази бывше, / сынове его…»


Часть вторая: «ПОХВАЛИМ ЖЕ И МЫ!»


Чтение четвертое: «Похвала кагану Влодимеру»

        11. «Страны уповають! Хвалить же похвалныими гласы – / Римьскаа страна…»
        12. «Сему же бывьшу, // не доселђ стави благовђрiа подвига, ни о том токмо яви…»
        13. «Тебе же – // како похвалимъ, о честныи и славныи въ земленыих владыках…»
        14. «Къ сему же – // кто исповђсть многыа твоа нощныа милостыня / и дневныа…»
        15. «Не токмо исповђдавъ, яко "Сынъ божiи есть Христос", / нъ и вђру его уставль…»
        16. «Въстани, о честнаа главо, от гроба твоего! въстани! оттряси – / сонъ, нђси бо…»

Чтение пятое: «Молитва къ богу от всея земля нашеа»

        17. «Симь же убо, о владыко, царю и боже нашь, высокъ и славне, / человђколюбче…»
        18. «Богатыи милостiю и благыи щедротами! // Обђтщався – // прiимати кающася…»
        19. «Спаси – // ущедри, призри, посђти, умилосердися, помилуи, / твои бо есмь…»
        20. «Нъ видимыихъ сихъ прилежащемь, тђмже боимся, егда – // сътвориши на насъ…»

Эпилог: «Вђрую въ единого Бога Отца вседръжителя»
        «Вђрую – // въ единого бога Отца вседръжителя, творца – / небу и земли …»



                •  •  •


        II. «ТРОННАЯ РЕЧЬ» ЛАРИОНА


        1. «Вђрую въ единого бога, славимаго въ Троици: Отца – / нерождена, безначала…»
        2. «Того единого бога вђдђ и тому вђрую, въ негоже имя / и крестихъся: въ имя…»
        3. «Чаю же – // его пакы придуща съ небесе, нъ не отаи, яко же прђжде, нъ – / въ славђ…»
        P.S. «Азъ, милостiю человђколюбивааго бога мнихъ и прозвитеръ, / изволенiемь его…»


                •  •  •



< ОГЛАВЛЕНИЕ > ( http://stihi.ru/2022/01/31/5251 )


________

«Поэтическое наследие древней Руси
в памятниках древнерусского эпического стихосложения»

«ДОСТОЙНО СЛАВЫ.
Свято-Отеческие предания (XI – XIII вв.)»
© Евгений Евгеньевич Овчинников
© Evgeny Ovchinnikov


i.:

«Древнерусское эпическое стихосложение» © Е. Е. Овчинников
«Ancient Russian epic versification» © Evgeny Ovchinnikov (Russia)

    Правовой статус публикации: Все авторские права на открытие и произведения защищены,
принадлежат Автору и охраняются законом. Никакая часть книги Автора (в т.ч. ее электронных
версий) на основании норм Авторского права не может быть перепечатана или воспроизведена
в какой бы то ни было форме и какими бы то ни было средствами (включая размещение в сети
Интернет и в корпоративных сетях) для частного и публичного использования без письменного
на то разрешения владельца авторских прав.

    Главная цель Авторских проектов Евгения Евгеньевича Овчинникова (Россия, Москва) сотоит
в воссоздании, популяризации и, тем самым, возвращении составляющих «Поэтическое наследие
древней Руси» памятников «Древнерусского эпического стихосложения» в культурный оборот.

    «Ancient Russian epic versification» © Evgeny Ovchinnikov, – [in original form as: «Древнерусское
эпическое стихосложение»].  |  First presented data from new sphere of scientific knowledge – «ancient
Russian epic versification». It's the author's concept, which arose in the research process, issues of cultural
inheritance and continuity in ancient Rus. The author's concept presents an categorical generalization of
the existing empirical and theoretical data, which allows a new look at the problem and «epic versification»
as an – independent direction in cultural traditions of ancient Rus. Great attention is paid to the disclosure
of the values of the basic terms and concepts in the thesaurus epic language. – For students and lecturers,
practical linguists, cultural figures.

Официальный сайт Авторского проекта «Прославь Отечество!» –
Евгений Овчинников: «Древнерусское эпическое стихосложение»
http://box0312.narod.ru
mailto:epicrus.heritage@yandex.ru

Книги:
«ПАМЯТЬ». Стихи [«Академия поэзии», 2002],
«ГОЛГОФА». Стихи [«Академия поэзии», 2006],
«ЗОЛОТО РУСОВ. Поэтическое Наследие Предков - ВЛЕСКНИГА» [2010].

Серия: «Начало Песен Вещих» [Осн. в 2014] /
«Поэтическое наследие древней Руси
в памятниках Древнерусского эпического стихосложения»
Рунический эпос:
«ПУТНИК КНИГА» / «ПУТЬНИКЪ КЪНИГА» [Вып. 1],
«ЗОЛОТО РУСОВ. Поэтическое Наследие Предков –
ВЛЕСКНИГА» [Спец. вып.; в ред. 2 изд., испр. и дополн.];
Династический эпос:
«ЭПИЧЕСКИЙ КОРПУС в составе древнерусских летописей» [Вып. 2],
«СКАЗАНИЯ о князьях русских старобытных» [Вып. 3],
«ЗЛАТО В ГОРНИЛЕ. Эпопея (1115 – 1168)» [Вып. 4],
«РОМАНОВ НАСЛЕДОК. Владимирские писания (1201 – 1292)» [Вып. 5],
«ДОСТОЙНО СЛАВЫ. Свято-Отеческие предания (XI – XIII вв.)» [Вып. 6].