Къона серлончаш

2006-чу  шарахь Нохчийн  меттан  Де д1ахьош,     №  34  школехь  схьайиллина  хилла  йолу Литературни –юкъараллин  цхьаьнакхетар «Серло»  ,шен  болх  д1ахьош  ю , жимма  а  поэзица  гергарло  долучу г1алин ишколашкарчу   берашца  . Жим-жимма  стамлуш  ду  тобанан  мог1анаш.Денна  гучу буьйлу  нохчийн  мотт  дукха  безарехь,бовза  лаарехь,стих х1отто  1ама лаарехь  совбуьйлу  дешархой  а.
Царех   уггаре  а  жигара  декъашхой    бу: Багаев  Ризван ,Хасуев Ахьмад,Дукаева  Пет1имат,7- чу  гимназера ,Юсупова Пет1амат,106 –чу  школан  дешархо.
Церан  цхьайолу  байташ   еша  таро ло  шуна  тхан  литературни  тобано.

Багаев  Ризван ,8-г1а  класс,гимназии №7
Нана
Массарел  хьомениг,
Массарел  диканиг,
Массарел  хазаниг-
Х1оранан   нана  ю!
Аганахь техкийнарг,
Халонаш лаьхкинарг,
Безамца кхиийнарг-
Догдика    нана ю!

***   ***    ***
23  февраль

23-г1а  февраль,и  ирча  де!
Шийлачу  1уьйранна,
Набарха  а  дохуш,
Адамаш , баж   санна ,
Ц1ера  ара дохуш,
Доьлхура  жил1алам
Лайн чимийн дог1анца.
Йоьлхура  Дег1аста,
Дала  доцуш  орца.
23-г1а февраль.И къиза де…
Дицдала  ца туьгу и ирча де.
***   ***   ***


Даймехкан  дог
Даймехкан дог ,аьлла,
Шена  ц1е  а тиллина,
Хан –зама  д1аяьлла,
Г1алахь  маьждиг  диллина.
Исбаьхьа  и  Делан х1усам,
Серлайолий лепа буса,
Воккхаве, со нохчо  волуш,
Дехийла  вай, иман  долуш.
                2012   шо



Дукаева  Пет1имат,7  класс,гимназии №7


Даймохк
Сан Даймохк!Нохчийчоь!
Езний те  хьо  цхьанне  суначул дукха?!
Йоккхае!Дозалла деш  а  хьох ю со!
Хьомсара  сан  Даймохк!
Хьан хаза  бай-бецан  даренаш,
Хьан  шуьйра,йистйоцу  аренаш,
Хьан  бела-баьццара  хьаннаш,
Хьан  баххьаш  ирхъихна  лаьмнаш
К1ордор дац иллешкахь  хесто
Я  дог  а  1ебар  дац , хесторх!
Хьомсара сан Даймохк!
Нохчийчоь!Сан  дагчохь ю хьо!
Хьан дуьхьа са  яца   а  кийча  ю.
Хьо  кхиа,хьо  хазло,ц1ен ровзан  санна,
Сан  Даймохк  хьомсара ,Нохчийчоь-Нана!
                2011  шо

Хасуев    Ахьмад,8-г1а  класс,гимназии  №7
Сийлахь  Нана,
Дика  ю  хьо,
Къинхетаме
 Малик  санна.
Комаьрша  ю,
Г1а-буц санна,
Ц1ена  а   ю  ,
Х1аваъ  санна!

***   ***   ***


Юсупова  Пет1имат ,школа  №106

Ахьмад-Хьаьж,хьан  некъан  сийдо!
Дуьненна  евза  хьан  ц1е!
Нохчийн  къоман  дахар  тодан,
Ца  кхоийра  ахь  хьайн  са.

Бакъо  лоьхуш ,нийсо  лоьхуш,
Кьинхетаме  вара  хьо,
До1анашкахь  Даймохк  боьхуш ,
Машар  лоьхуш  вара  хьо.

Ахьмад-Хьаьж,хьан  некъан  сийдан,
Оха  еза  ч1аг1о   йо,
Ойланаш  дикане   кхийда,
Хьан  дахарех  1ема  тхо.

   ***    ***    ***
Кху  дуьненахь  уггаре  а
 Мерза  дош  ду  Нана!
Лууш  ю  со  гутаренна ,
Цуьнан  сийдан  1ама.

Къинхетаме  дог ца  кхоош,
Кхиабо  цуо  доьзал,
Сатийсамаш  кхочуш  хуьлуш,
Ехийла  и  г1оза.

***   ***   ***
Стигал  сирла  ц1ена  ю,
Малхо  з1аьнарш  етта.
Со  сурт  дилла  1емаш  ю,
1аламах  б1аьрг  бетташ.

Аре  сийна,шера  ю,
Баьццара  бос  эцна.
1аламах  сурт  тера  дан,
Ас  басарш  а  эцна.   
2013  шо