Рецензия на «Цыгане. Конкурс Эсмеральды» (Стихихишкин Теремок)

Чон тэрно рупэстыр сувнакастыр Де жавю!?

Авир моло мангэ сыкадёла
Со дживавас мэ древан хгара
Вари дэ сунэ саро дыкхавас
Вари сомас пэ долэ дрома!?

Барвалэ Рома исыс илэса
Хгэнчто грай тэ шатра пураны
О маро пхагирнас екх екхэса
Пашил яг баганас гилори..!

Зрипирдяпэ мангэ о Земфира
Набистрава лакирэ якха
Лакиро сабэн мэ набистрава
Сыр чурдэлас мангэ пэ патря!!!

Ёй ракирлас;"Дад ман на отдэла
Со фэдыр амэнгэ тэнашас
Масхари дэ дром амэн зракхэла
Сыр рая мэ ласа тэдживас!"

Чон тэрно рупэстыр-сувнакастыр
Болыбнастыр дэ паны дыхтя
Пирангэ прастасас пири фэлда
Нэ коли исыс саро дава!??

* * * * *

Дадэвэс дыхтём мэ тут Земфира
Дэ якха мирэ ту подыхтян
Мэ пхутём;"...ту ман на рипирэса!?"
Ту пхэндян со ман на полыян!?

"Зрипир чон рупэстыр-сувнакастыр
Чергэня сыр пэрнас дэ васта
Коли унаштям амэ сарэндыр
Кэтанэ дживасас сыр рая!!!"

Засандяпэ ёй сыр дова моло
"Со ту пшАлоро годятыр ту згэян!?
Мандэ ром тэ кхарна ман Патрина
Ту катыр саро дава лэян!?"

Ёй гэя нэ саекх обдыхтяпэ
Тэрдия тэ дэ сабэн пхэндя
"Нэ ничи саро тутэ проджала
Ай камэс чурдава пэ патря?!"

* * * * *

Авир моло мангэ сыкадёла
Со дживавас мэ древан хгара
Вари дэ сунэ саро дыкхавас
Вари сомас пэ долэ дрома?!

Эдуард Ром-Михайлов   18.11.2015 17:31   •   Заявить о нарушении