"Ди лъэпкъым ар къалъытэкъым усак1уэу, –
Си щ1ыбк1э къысхужа1эу зэхызох.
Яц1ыхуу щытми зэрыусэр гуак1уэу,
Гулъытэ щ1агъуэ хуащ1къым", – къысхуа1уэху.
Сыт сэ слъэк1ын?! Аращ адыгэ «хабзэр» -
Л1ыхъужьхэр, зэчииф1эхэр яуб.
Ф1ы гуэрк1э къахэщар шэрэзк1э ябзыр,
Шэ ф1ыц1эу и лъэнк1ап1эр хущ1ауд.
Уапэлъэщын?! Аращ ц1ыхуц1э «хабзэр» -
Зэчийуэ хэт ябжар тетыху дунейм?!..
Сыкъамылъытэнэми пытыхук1э си псэр,
Схужа1эжынщ ф1ы гуэр адрей дунейм.
@Гъуэщокъуэ-Жумай Мадинэ
Ди лъэпкъым ар къалъытэкъым усак1уэу
© Copyright: Мадина Гошокова-Джумаева, 2026
Свидетельство о публикации №126072906121
Свидетельство о публикации №126072906121
Рецензии