Фи урамыпэмк1э хуэму сыблок1,
Фи куэбжэм сынэсмэ си гур с1эщ1ок1.
Уи теплъэ гуак1уэм сегъэп1ейтей,
Сопщ1ыхь къысщохъур - уэрщ си дунейр.
ЕЖЬУ:
Е-й, закъуэныгъэ уаер ди нат1эу,
Жэщ п1эщхьэгъыншэр щхьэ тхухаха?!
Е-й, насыпышхуэти, ди Тхьэшхуэ лъап1э,
Ды щ1алэ щ1ык1э абгъуэ дуухуам?!
Уи жьабзэ дахэм сигу ихьэхуащ,
Уи 1ущэбагъыр дыгъэ схуэхъуащ.
Яжьэ сыхъухук1э абы сисынуми,
Къытезгъэзэжурэ сынопщ1ыхьынт.
Фи урамыпэмк1э ноби сыблок1,
Дымыщ1алэжми - дызэхуоплъэк1.
"Я щхьэцхэр тхъуами - я гущ1эр щ1алэщ", -
Жа1эурэ ц1ыхухэм, гъащ1эр т1эщ1ок1...
@Гъуэщокъуэ-Жумай Мадинэ
Уэрэд нэщхъей
© Copyright: Мадина Гошокова-Джумаева, 2026
Свидетельство о публикации №126062407353
Свидетельство о публикации №126062407353
Рецензии