Асвяціце мяне верасы
На мяжы пацалункавай смагай,
Дарам яваравай красы,
Жаўруковаю шчырай развагай.
У адзін дотык спавіце давер,
Што прыгожае ўсё даўгавечна.
Неспакоем курлыча асвер.
Верасовае полымя ўлечна.
На шляху маім кропкі ўдач:
Арабінаю, гронкі згарнуўшы,
Ці калінай, што кінецца ў плач,
Салаўіную песню пачуўшы.
Асвяціце мяне верасы, -
Мне ад вас ужо не не адхіліцца.
Хай званчэюць у час галасы.
Спеваў восені шчырай крыніцай.
Мелодия осени
© Copyright: Максим Троянович, 2026
Свидетельство о публикации №126060801400
Свидетельство о публикации №126060801400
Рецензии
