Нартыбзэр зи шабзэ

Нартыбзэр зи шабзэ

«Ц1ыхур зыгъэлъап1эр –
1уэхуф1хэр аращ!
Ц1ыхум и щ1ыхьыр –
Хабзэф1хэр аращ!
Хэгъуэгур, къэралыр –
Уасэншэщ! Гъэлъап1э!
Псэпалъэм из хъукъым –
Уи лъэпкъым ящхьэпэ!
Мылъкур – уэсэпсщ!
Сыщ1эпсэур – си лъэпкъщ!
Сы насыпыф1эщ –
Ц1ыхуф1хэм сахэтщ!
Ныбжь зи1эр – си къуэшу,
Нэхъыщ1эр – си быну,
Зы унагъуэшхуэ хуэдэу дызэхэтщ!» –

Къыджи1эу сыт щыгъуи,
Мэпсэу ц1ыхухэм папщ1э,
Зэш жыхуа1эр имыщ1эу, хэкупсэ Олег.
Адэф1 и къуэ пэжу,
Жи1ам емыпц1ыжу
Тхуопсэу! Лъэпкъыпсэщ Аргунхэ Олег!
 
Апхуэдэщ и гъащ1эр –
И джылэсыуэ,
Псэемыблэжу 1уэхуф1хэр елэжь.
Кавказым и щыгъэу,
Адыгэм и дыгъэу,
Щ1эблэм и гъуэгугъэлъагъуэ нэхъыжьщ.
И мылъкук1э псапащ1эу,
Илэжьыр ф1эмащ1эу,
Гъуэгу пэжыр зи к1уап1э,
Ц1ыхуф1 ди пэрытщ!
Нартыбзэр и шабзэщ,
Щапхъэф1хэр и хабзэщ –
Ды насыпыф1эщ –
И жьауэм дыщ1этщ!

P.S.
Адыгэхьэблэ, Куэш-Хьэблэ, Хьэбэз –
Яхуохъухэ лъэнк1ап1э,
Шэткъалэ лъо1эс.
Ткварчали, Жьэкуэ,
Мэрыхъу къуажэ мэжджыт,
Абхъазми ар носыр –
Зэй къимык1уэт!

*Джылэсы – девиз
*Шэткъалэ – г.Ставрополь

@Гъуэщокъуэ Мадинэ