КIэн джэгу
Адыгэжьым и "КIЭН ДЖЭГУ",
НобикI хэти уогъэджэгу.
Уи жанагъкIэ у-пэрытщ,
Сабий джэгухэм япэ уитщ.
Сэбэпышхуэ "КIЭН ДЖЭГУ" цIыкIу,
Дадэ и гум уэ уимыкI.
КIэбдз къэшыпIэ къупщхьэ цIыкIухэр,
Мэл гъэвам къыхещыпыкI.
Щезэшамэ "ХЭТIЭ-ХЭСЭ"-м
ЩIэблэ цIыкIухэр къоувэкI.
ГупсысэкIэм хубогъасэ,
Джэгу шэрыуэу урокIуэкI.
"Зи кIэн къикIыр"- уогъэгуфIэ,
Зей къимыкIхэр къимыкIуэт.
ЗэхабжыкIри нафIэгуфIэу,
КIэн джэгуныр щамыгъэт.
Адыгэжьым и " КIЭН ДЖЭГУ",
НобикI хэти уогъэджэгу.
Уи жанагъкIэ у-пэрытщ,
Сабий джэгухэм япэ уитщ.
* КIЭН ДЖЭГУ - Адыгэ сабий джэгукIэ (игра в кости)
*ХЭТIЭ-ХЭСЭ - Адыгэ сабий джэгукIэ.
@Гъуэщокъуэ-Жумай Мадинэ
КIэн джэгу
© Copyright: Мадина Гошокова-Джумаева, 2026
Свидетельство о публикации №126042502428
Свидетельство о публикации №126042502428
Рецензии