12- пщык1ут1

12- ПЩЫКIУТI

Мазэ пщыкIутI илъэсыр мэхъу

Мазэхэм я ц1эхэр адыгэбзэк1э:

Щ1ышылэ - январь
Мазае - февраль
Гъатхэпэ - март
Мэлыжьыхь - апрель
Накъыгъэ - май
Мэкъуауэгъуэ - июнь
Бадзэуэгъуэ - июль
Шыщхьэу1у - август
Фок1адэ - сентябрь
Жэпуэгъуэ - октябрь
Щэк1уэгъуэ - ноябрь
Дыгъэгъазэ – декабрь

***

Си Лъахэм и вагъуэ пщыкIутI

Адыгэ лъэпкъым и вагъуэ пщыкIутI,
Адыгэ ныпым щолыдыр гъуэзэджэу.
Дыщафэ теплъэу вагъуэ пщыкIутI,
ГъащIэм хуэгъуазэу фIым дыхураджэ!

ЕЖЬУ:
Си Лъахэ! Адыгэ уей-уей!
НэхъыфI ирехъу уи пщэдейр!
Бийр къыттегушхуэмэ, уей -
IущIэнущ ди шабзэхэм гуейр!

Адыгэ лъэпкъым и лIакъуэ пщыкIутI,
Кавказ къуршыжьхэм я бын дэхащэ.
Ди нып удзыфэм и вагъуэ пщыкIутI,
Адыгэ лъэпкъым и лъабжьэ щэджащэ!

ЕЖЬУ:
Си Лъахэ! Адыгэ уей-уей!
НэхъыфI ирехъу уи пщэдейр!
Бийр къыттегушхуэмэ, уей -
IущIэнущ ди шабзэхэм гуейр!

Адыгэ лъэпкъым и вагъуэ пщыкIутI,
Адэжь щIэиныр зи хабзэ дэхащэ.
Тхьэшхуэр зи пашэу, ди вагъуэ пщыкIутI!
Щохуарзэ уэгум ныпыр Iущащэу!

@Гъуэщокъуэ-Жумай Мадинэ