УСЭРЫБЖЭ ПСАЛЪЭЖЬХЭР
ЗэгъунэгъуитI я жэм шыкIэ зэхуэдэкъым,
Зи бзэ IэфIым блэр гъуэмбым къреш.
ЗэгъунэгъуитI я мэл бжыкIэ зыкъым,
3и Iуэху нахуэм и нэгури хейщ.
Зы мэл бгым елъэмэ, мэл псори йолъэ,
Зы анэм къилъхуа псори зэхуэдэкъым.
Зы шым и хьэтыркIэ шищэ псы йофэ,
Зи дзэлыфэ къыпхуэзытI псори ныбжьэгъукъым.
Захуэм хабзэр и телъхьэщ,
Зым и зэран щэм йокI.
Зым къыжьэдэкIыр, жьищэм жьэдохьэ,
ЗэхуэгъафIэ зэфIэкIуэд къыхокI.
ЗекIуэ и вакъэ лажьэркъым,
Щынэ IэфI мэлитI ящIоф.
Зил мыузым игу узыркъым,
Зы цIыху и жылэм фэ трегъэуэф.
@Гъуэщокъуэ-Жумай Мадинэ
Усэрыбжэ псалъэжьхэр
© Copyright: Мадина Гошокова-Джумаева, 2026
Свидетельство о публикации №126042206405
Свидетельство о публикации №126042206405
Рецензии