У дзень кахання і каханых,
Ў дзень поўны водару вясны,
Хай паўстаюць у яве сны
Гадзін пяшчотных і жаданых,
Хоць у нябыт сышлі яны.
Ў дзень поўны водару вясны,
Пад кропель светлых перазвоны
Слязінак зноў чутны каноны
Аслабшай зімняй сівізны,
З яе крыштальнае кароны.
Зноў паўстаюць у яве сны
І ў сэрцах абуджаюць казкі
Жарсці ў крыві і смагу ласкі
Доўгачаканае вясны.
І цеплыні душэўнай краскі
Гадзін пяшчотных і жаданых,
Хай памяць уваскрэсіць воку
Каханых постаці здалёку,
Душою, сэрцайкам чаканых
Наперакор нудзе і року.
Хоць у нябыт сышлі яны,
Ды асвяцілі шлях да мэты,
Які, іх вераю сагрэты,
Даваў нам моц у тыя дні,
Што будуць вершамі апеты.
У дзень каханых і кахання
У дзень цудоўны Валянціна
Хай будзе нам усім прычына
Падняці келіх паяднання
І выпіць за любоў адзіна
У дзень кахання i каханых
© Copyright: Станислав Шастак, 2026
Свидетельство о публикации №126021407223
Свидетельство о публикации №126021407223
Рецензии