Бжэк1э зыдогъащ1э

1 - ЗЫ
Зыщ зэрыхъур сэ си мамэр,
Ф1ыщэ 1ейуэ ар солъагъу.
Зыщ зэрыхъур сэ си адэр,
Лъэпкъ дамыгъэр сегъэлъагъу.

Зыщ зэрыхъур къытхуепс мазэр.
Дыгъэ къепсыр а зыращ!
Си псэ закъуэм хуэдэщ си бзэр!
Хэку - а зызакъуэращ!

Адк1э бжэк1э зыдогъащ1э:

2-ТIУ
Си 1эр-лъакъуэхэр мэхъу т1у,
Си нэ ц1ык1ухэр мэхъур т1у.
Зэхэслъхьати сымып1ащ1эу,
Си лъэпэдхэр мэхъур т1у.

Хьэлэмэткъэ, 1элъэ ц1ык1ухэр,
Щызэхэплъхьэк1э мэхъу т1у.
Т1урыт1 защ1эщ вакъэу сщыгъхэр,
Пхутедзэнукъым ету.

Зым зы хэплъхьэмэ мэхъу т1у -
Гуф1эу же1э ди Т1ат1у.
Зэхилъхьэфу ар есащи,
Ху*егъэщ1агъуэ и джэдум.

Бжэк1эм адк1э зыдогъащ1э:

3-ЩЫ
Мазэ щырыщщ гъэ зэманхэр,
Гъатхэ - бжьыхьэхэр мазищщ.
Мэхъу мазищ гъэмахуэ хуабэр,
Мэхъу щ1ымахуэри мазищ.

Адыгэ 1энэ хъурей ц1ык1ури,
Фщ1эрэ, ари мэхъу лъакъуищ.
Бгъэдот1ысхьэ ини, ц1ык1уи,
П1асти, лыбжьи ену тетщ.

Къуапищ я1эщ щимэ псоми,
Щимэ щ1иц1эри аращ.
Ц1ык1уми, бгъуэми, к1ыхьми, инми,
Къуапэ щырыщщи аращ.

Ц1ык1ухэм бжэк1э зыдогъащ1э:

4-Пл1Ы
Т1ум т1у хэплъхьэмэ мэхъу пл1ы -
Фымыгъуащэ - хъукъым блы.
Зэхэвбжык1ыурэ зевгъасэ,
Щызэхэфлъхьэк1э фымып1ащ1э.

Ц1ык1уми, бгъуэми, к1ыхьми, инми,
Къуапипл1 я1эщ пл1имэ псоми.
Къуапэ пл1ырыпл1щи аращ,
Пл1имэ щ1иц1эри аращ.

Ц1ык1ухэ, пл1ы мэхъу гъэ зэманхэр:
Ирешажьэ гъэр щ1ымахуэм,
Къык1элъок1уэ гъагъэу гъатхэр,
Бжьыхьэм ипэ итщ гъэмахуэр.

Нобэ бжэк1э зыдогъащ1э:

5-ТХУ
Сыдэбжейми, сыкъебжыхми,
Си 1эпхъуамбэхэр мэхъу тху.
Тезгъэзэжу зэхэзбжык1ми,
Си лъэхъуамбэхэри тхущ.

Т1ум щы хэплъхьэмэ мэхъу тху -
Фымыгъуащэ - хъукъым хы.
Фегупщысурэ зэвгъащ1э,
Щызэхэфлъхьэк1э фымып1ащ1э.

Сымып1ащ1эу зэхэслъхьати,
Кремль вагъуэри къуапитхущ.
Бжэк1эм ф1ыуэ зезгъэсащи,
Схуагъэувынущ нобэ «ТХУ».

*Щимэ - треугольник
*Пл1имэ – четырёхугольник


@Гъуэщокъуэ-Жумай Мадинэ