Родны край, м лы кут

Беларусь–родны край–мілы кут,
Як ты сэрцу майму дарагі,
Нарадзіўся і вырас я тут,
Тут жыццёвай ракі берагі.

Мне даруйце малю вас бацькі,
Юнаком што пакінуў я Вас,
Што заўжды быў няўрымслы такі,
Што шляхі разышліся у нас.

Прыпеу
Варухнула ўсэрцы штосці,
Назаўжды прыйшў, ня ўгосці,
Да бацькоўскага двара,
Зараз ведаем, не трэба
Жаўрукоў лавіць у небе, –
Ад дабра шукаць дабра.

Хоць нямала жыцця як вады
Уцякло з тых дзяцінства часін,
А лагодна, гаюча заўжды,
Сярод любых мне родных мясцін!

І цяпер, праз багацце-гады,
Зноў былое стаіць у вачах,
Я у снах, бы тады малады
Размаўляем з раднёй па начах.
Прыпеў

Да высновы да згоды прыйшоў,
І прызнацца у тым не баюсь,
Што шукаў на Радзіме знайшоў!
Няма лепей цябе, Беларусь!

Помніць трэба ўсім сэрцам, душой–
Дома сілу і сцены даюць.
Хоць ссівелы да дому прыйшоў,
Мае розум і сэрца пяюць!

Праз гады да высновы прыйшоў
І прызнацца у тым не баюсь,!
Усім сэрцам люблю ўсёй душой
Цябе – Чыстая-Белая Русь!

Прыпеу