Штодня ўспамінаю пявучы
Гук шпаркай, маленькай нагі
Мой любы трохмоўны унучак
Дзяцінства ўспамін дарагі!
Ты жвавы, такі самастойны
І любы, нібы сэрца стук!
Бацькоў тваіх вобраз дастойны-
Наш самы малодшы унук.
Калі я цябе наглядаю,
То мроіцца так часта мне,
Што бачу сябе ў родным краю
Ў дзяцінства далёкім вакне.
Ты гэтакі ж незалежны,
І гэткі ж упарты на ўздзіў!
Унучак найменшы замежны,
Цябе родны дух нарадзіў.
І розум, і нораў вясёлы
Табе дараваў, Міка, Бог,
Каб жвавы ты рос і не кволы
І ўсё у жыцці перамог!
Тужліва, шчымліва балюча
Твае пакідаць берагі
Наш самы малодшы унучак
Дзяцінства ўспамін дарагі!
Унуку Мiку да 3-га Дня нараджэння
© Copyright: Станислав Шастак, 2025
Свидетельство о публикации №125090706221
Свидетельство о публикации №125090706221
Рецензии