Як прыкмету майго даверу
Ці сардэчна жаданае штось -
Высылаю табе паперу
З запрашэннем у госці:
Вось.
Для цябе гэта толькі папера,
Радкоў пара на белым лісьце,
Для мяне ж і надзея, і вера,
Што жыццё і на мове цвіце.
Між радкоў прачытай завяршэнне
Маіх мараў, надзеяў і дум.
Там, дзе сціпла гучыць “запрашэнне”,
Там туга па радзіме і сум.
Прыязджай без прычыны. Без даты.
Проста так — як да дому ідуць.
Хай цяпло майго сэрца і хаты
Дадуць імпульс да нас завярнуць!
Як прыкмету душы даверу
І на змены станоўчыя скрозь
Запрасіць цябе рады, бо веру
Сонцам праўды ты станеш -
Вось!
Вось!
© Copyright: Станислав Шастак, 2025
Свидетельство о публикации №125062007574
Свидетельство о публикации №125062007574
Рецензии
