Я ведаю толькі, што ведаць
Усё да канца - немажліва,
Бо мудрасць збірае рупліва
Адно толькі чулае сэрца.
Я ведаю, што толькі ў змроку
Душа нараджае патрэбу
Ў святле, каб высокаму небу
Данесці сумневаў мароку.
Я ведаю: голас маўчання
Гучнейшы ад труб Ерыхона
А ў цішы духоўнага схрона -
Сцяжына да сэнсу пазнання.
Я ведаю толькі, што Богам
Ндана нам цяга пазнання
І ставіць не сорам пытання,
Вядзе ці мэты дарога?
Я ведаю толькі, што посьпех
Ёсць вынікам плённае працы.
З хацін вырастаюць палацы,
Калі служаць веды, як доспех!
Я ведаю толькi...
© Copyright: Станислав Шастак, 2025
Свидетельство о публикации №125050406736
Свидетельство о публикации №125050406736
Рецензии