Хто прыйдзе — не ў золата ззянні,
А зрэбны ўздзене на плечы арнат -
Каб Богу служыць па біблейскім паданні
І кожнай душы быць, як сябра і брат.
Хто нашы душы возьме пад ахову
І скажа: "Не страляй!
Бо крыж — не карагоды
Забойстваў, болю, грэху знову,
А мост над прорвай, што вядзе да згоды"?
Хто не сцураецца ўвайсці ў гаротных круг,
Прывеціць рукі брудныя ад працы,
І ў кожным з нас абудзіць горні дух,
Што месца варты і ў Тварца Палацы.
Не вяшчуном святынь ён будзе для людей,
А сведкай ціхага, жывога Слова,
Каб нагадаць, што чалавецтва ж у бядзе,
Бо міласэрнасць — яго сутнасці аснова!
Адкуль ён прыйдзе?.. Мы глядзім угору,
Але магчыма ён ужо між нас,
Хто створыць плянам д'ябла непакору
І дасць надзею на святло і мірны час.
Хто прыйдзе?
© Copyright: Станислав Шастак, 2025
Свидетельство о публикации №125042401244
Свидетельство о публикации №125042401244
Рецензии
