Няма ў душы мажорных нот,
Бо іх няма ў сучасным свеце,
Дзе пад антыхрыста прыход,
Баль папулістаў на планеце.
Нязбытных абяцанак рой,
Тарыфаў і сумнеўных "здзелак",
Шалёны падае настрой,
Як “лебедзь чорны” ў панядзелак!
А людзям хочацца мажору-
Прастор для плянаў балабола,
Што пойдзе дабрабыт угору
І будзе камунізм наўкола.
А я, старэчымі вачамі,
Гляджу з трывогаю ў былое, —
Бо як свой лёс не зробім самі,
То хто нам знойдзе шчасце тое?
Мажор, я веру, мы здабудзем,
Калі свабода стане мэтай,
Калі ўздыхнуць свабодна грудзі —
І мір паўстане над планетай!
Мажорныя ноты
© Copyright: Станислав Шастак, 2025
Свидетельство о публикации №125041201761
Свидетельство о публикации №125041201761
Рецензии
