Си мамэ хуэдэщ си нит1ым,
Ар ф1ыщэ 1ейуэ солъагъу.
Си мамэ хуэдэщ мы си псэм,
Сыт щыгъуи си чэнджэщэгъущ.
Си мамэ дахэ, уешамэ,
Сэ пхуэзгъэувынущ шэнтжьей.
Си мамэ, уэ уи макъамэр,
Дэхагък1э ещхьщ сэтэней.
Си Анэ - Уэращ си дыгъэр!
Уэр хуэдэ щымы1э дунейм!
Пхуэсщ1ынущ вагъуэбэр тыгъэ,
Нэхъ дахэ псом уралейщ!
01.11.2024гъ.
@Гъуэщокъуэ Мадинэ
ПСАЛЪЭЖЬХЭР:
Анэ бгъафэрэ хъурыфэ джэдыгурэ.
Анэ зимы1эм гу1эр и махуэщ.
Анэр нэщи, адэр лъэпкъщ.
Анэм и быным ху*ищ1эр ф1эмащ1эщ.
Анэм къуипэсыр гунэсщ.
Анэм къуитыр 1эф1щ.
Быныр нэм и хъуахуэщ.
Анэм и щапхъэр пхъум и бзыпхъэщ.
Анэнэп1эсыр уэсым нэхърэ нэхъ щ1ы1эщ.
Бзаджэр уи пэшэгъумэ, уи анэ мыгъуэ хъунщ.
Анэнэп1эсрэ гупк1э т1ысып1эрэ.
Сабийм адэ имы1эжмэ, зеиншэкъым, анэ имы1эжмэ, зеиншэщ.
Си Анэ - Уэращ си дыгъэр!
© Copyright: Мадина Гошокова-Джумаева, 2024
Свидетельство о публикации №124110104218
Свидетельство о публикации №124110104218
Рецензии