Цаню ўсе дні, што засталіся мне,
П'ю слодыч іх з кісьлінкай арабіны
І ажыўляю ў памяці карціны
Чароўных дзён у роднай старане!
Казыча успамінаў водар нос:
У промнях сонца верасоў кілімы,
Смарагд палеткаў і лясы Радзімы
У пацерках бурштынавых бяроз.
Той дзень асенні адляцеў далёка.
Зляцелі ў вырай птушак галасы
Развеяў падых ветру валасы
І ззяе малахітам феі вока.
О, восень - час дажынак, успамінаў!
Ты душы саграеш, даеш надзеі,
Што скончацца ваенныя падзеі
І мірна зажыве ізноў краіна.
Слодыч восенi
© Copyright: Станислав Шастак, 2024
Свидетельство о публикации №124101006180
Свидетельство о публикации №124101006180
Рецензии
