Анэгур и къуэм нобэ иропагэ!
Зы псалъэ гуапэр дамэшхуит1 хуэхъуащ,
А псалъэ закъуэм и псэр къыдогъагъэ.
Сыту гуапэ бзэр?! Анэгур къихьэхуащ,
Абы иф1ыщ1эщ- анэр зэщ1огъагъэ!
Ар ху*ейкъым ф1ыщ1э жыги хухэпсэн.
Ху*ейхэкъым-къомых уафэгум вагъуэ.
Умышэ хьэри псафэ! Л1ы хьэл-щэн!
Уи псалъэ гуапэр анэм игу щогъагъэ.
Жып1ар уэ бзу шыр ц1ык1уу къибгъэпк1ащ.
Хэт апхуэдизу зыгъэф1ар анэгур?
Ар уи бзэм псалъэ гуапэ къыпык1арщ!
Аращ хуэхъуар лъэнк1ап1э анэм и гум!
Удз гъуам нэгъуэщ1хэм анэр щыпащ1ам,
Анэгум удз гъэгъауэ упыкъок1ыр.
Уешами, йомыгъащ1эу щыжып1ам,
Анэгум уи гугъуехьхэр зэхещ1ык1ыр.
И лъэгум, анэм, жэнэт пщ1ащэ щ1эзщ.
Уи псалъэ гуапэхэр бзу шырхэщи, пхуэубагъуэ!
Уи нэгур къигуф1ык1ыу, гъащ1эр щыз,
Тхьэм пхуищ1!
Анэгур и къуэм нобэ иропагэ!
19.02.2024гъ
@Гъуэщокъуэ Мадина
© Copyright: Мадина Гошокова-Джумаева, 2024
Свидетельство о публикации №124021902305
Свидетельство о публикации №124021902305
Рецензии