Дохутыр ц1ык1у
Къыхэузык1ащ.
Щэ1уу, а тхьэмыщкIэр,
Узым пищ1ык1ащ.
И пщтырагъ къэспщыну
Сыбгъэдэт1ысхьащ.
И щхьэм сыхуепщэну
Зызгъэхьэзыращ.
1э дызолъэ нанэ -
Сопщэ, согъэхъуж.
Тебэна шейт1анхэр
Зэбгырызохуж.
Схъуащ сэ дохутыр 1эзэ,
Нанэ мэгуф1эж.
Се1эзащ хъэрзынэу-
П1экум къот1ысхьэж.
Гуащэ нэ топ цIыкIури,
Гущэм хэспхэжащ.
Нанэ схущ1иупск1эу,
Ари жеижащ.
Мис, апхуэдэу нанэ,
Нобик1 сгъэхъужащ.
Егъэщ1агъуэ мамэ-
Ари сгъэгуфIащ.
Хуабжьу се1эзэну,
Дади къысщогугъ.
Хэти сгъэхъужынущ,
Фымыбэлэрыгъ!
12.02.2024гъ
@Гъуэщокъуэ Мадина
Свидетельство о публикации №124021202959