Бжьыхьэкъафэ бостеик1э

Феплъыт, бжьыхьэ щхъуэк1эплъык1эм
И зэрыджэ бостеик1эм!
Кхъуэщыныфэу, зигъэфаф1эу,
Тхъуэплъ-гъуэжьыфэу къещ1ыр къафэ.

Феплъыт! Матэ тхузэрелъхьэ,
Зэщиуду пхъэщхьэмыщхьэм.
Зиукъуэдиймэ ар Къырыщхьэм,
Пщ1ащэ дыгъэу къыпхоплъ бгыщхьэм.

И зэрыджэ бостеик1эм,
Лъахэр гуапэу зэщ1ехуапэ.
Дыщэплъыфэу а къафэк1эм,
Жэпыр хуохъур хуатэ щабэ.

Тхьэмбылыфэу, зигъэфаф1эу,
Тхъуэплъ-гъуэжьыфэу къещ1ыр къафэ.
Щыджэрэзк1э щхъуэк1эплъык1эу,
Сытуи дахэ бостеик1эр!..

23.10.2023гъ
@Гъуэщокъуэ Мадина

IIвариант
ЖЁЛТЫЙ ЦВЕТ

Феплъыт, бжьыхьэ щхъуэк1эплъык1эм
И зэрыджэ бостеик1эм!
Кхъуэщыныфэу, зигъэфаф1эу,
Тхъуэплъ-гъуэжьыфэу къещ1ыр къафэ.
Феплъыт! Гъуэжьрэ, ар дыщафэу,
Къещ1 жыгыщхьэхэм удж къафэ!
Зиукъуэдиймэ ар Къырыщхьэм,
Пщ1ащэ дыгъэу къыпхоплъ бгыщхьэм.

И зэрыджэ бостеик1эм,
Лъахэр гуапэу зэщ1ехуапэ.
Дыщэплъыфэу а къафэк1эм,
Жэпыр хуохъур хуатэ щабэ.
Тхьэмбылыфэу, зигъэфаф1эу,
Тхъуэплъ-гъуэжьыфэу къещ1ыр къафэ.
Щыджэрэзк1э щхъуэк1эплъык1эу,
Сытуи дахэ бостеик1эр!..