Загъэфаф1эу ди пщ1ант1экум,
Пц1ащхъуэм абгъуэ щащ1.
Къалъэтыхьыр, насып нэк1уу —
Пк1ащхьэм зрашэк1.
Таурыхъ псысэм хагъэгъуащэу,
Уэрэдус хъарпшэр.
Уэшх къешхам и нур дахащэм,
Бзухэр доуэршэр.
Уэсэпс ц1ык1ухэр зэщ1опщ1ыпщ1э —
Удз гъэгъам полыд.
Лэгъупыкъур зэрымыщ1эу,
Уэгум къыщолыд!
Дыщэпс щыгъэр къыхэщэщу,
Пшэплъу зэтрихьащ.
Удз гъэгъахэр йо1ущащэ —
Лэгъупыкъу зэпщ1ыхьам.
Зэщ1огъагъэ пщ1ант1э жьэгур —
Зэмыфэгъуу тхъуэплъщ.
Насып хъару тафэщыгум,
И дахагъым феплъ!..
03.06.2023гъ
@Гъуэщокъуэ Мадина
Пц1ащхъуэ лэгъупыкъу
© Copyright: Мадина Гошокова-Джумаева, 2023
Свидетельство о публикации №123060303533
Свидетельство о публикации №123060303533
Рецензии