Дзівосны сон! Вясна вярнулася!
І ў сэрцах заіграла кроў.
Кахання смага ў іх прачнулася
І да ўсяго ў жыцці любоў!
Любоў прайсціся раным-рана
Вясёлкай росаў на траве.
Схавацца у сувой туману,
Што моўчкі па рацэ плыве.
Забыцца ў песьні салаўінай,
Не адчуваць і сэрца стук,
А толькі з любаю дзяўчынай
Шукаць пяшчоты юных рук!
О, сакавіцкі дзень вясновы!
Збудзіў ты жарсці сны ўва мне.
На дрэве шпак блішчасты, новы
Пяе гімн радасны вясне!
Дзiвосны сон
© Copyright: Станислав Шастак, 2023
Свидетельство о публикации №123030104379
Свидетельство о публикации №123030104379
Рецензии