Адэжь щ1эину адыгэ нып!
Ди лъэпкъ дамыгъэу мамыр насып!
Щ1эблэр бгъэгушхуэу лъагэу уе1эт,
Уи жьауэм къыдже1э - "АДЫГЭ, ФЫЗЭКЪУЭТ!"
Гузэвэгъуэ хъуамэ дызэрыгъуэтыжу,
Гуф1эгъуэ махуэхэм дызэрыгъэпэжу.
Щыгум щыхуарзэу, псэр дэхуэразэу,
Адыгэ бынхэр дызэкъуегъэувэж.
Дыщэ шабзищыр ди гъащ1э гъуазэщ,
Адыгэ лъэпкъыр вагъуэ пщык1ут1щ.
Адыгэ ныпыр нартхэ ди напэщ!
Ди гурыф1ыгъуэщ! Пэжым и ныбжьщ!
Адэжь щ1эину адыгэ нып!
Щхьэхуитыныгъэу мамыр насып!
Щ1эблэр бгъэгушхуэу лъагэу уе1эт,
Уи жьауэм къыдже1э - "АДЫГЭ, ФЫЗЭКЪУЭТ!"
P.S.
Гугъап1э къыдиту ныпым дыщ1этщи,
Тхьэм и гущ1эгъур къытлъигъэ1эс!
Тхьэшхуэр ди пашэу ди япэ итщи,
Хъуэпсап1эу щы1эм дылъэгъэ1эс!
17.04.2020гъ
Адэжь щ1эину адыгэ нып!
© Copyright: Мадина Гошокова-Джумаева, 2022
Свидетельство о публикации №122082504451
Свидетельство о публикации №122082504451
Рецензии