Си ныбжь ц1ык1ум и насып!
Нуру хъуар къегъэсэбэп.
Ц1ут1 жимы1эу ныбжьэгъу щэху,
Дызэрызу мэщыр нэху.
Зэм уафэгум ар йохьэж,
Зэм аргуэру къызгуоувэж.
Пщэдджыжьыпэм нэхущ вагъуэу,
Сыкъегъуэтыжыр и щ1эщыгъуэу.
Дызэдошхэ, псыхьэ док1уэ,
Зэм сигъусэу чэтым нок1уэ.
Къызбгъурыту къыздежыхь,
Сигъэк1уэдкъым, емыпсых.
Къыздоджэгур, зыдогъаф1э,
Дызэщ1ыгъуу дыкъызэдофэ.
Жьауэ хъумэ, зегъэпсэху,
А зэ закъуэм къыск1эроху.
Зэш имыщ1эу сщ1эр ещ1эж,
Ауэ к1ыф1ым мэк1уэдыж.
Си пэ ищмэ ск1эрыхужу,
Нэху къыстридзэмэ къоувыж.
Сыкъэрабгъэкъым, фощ1эж!
Сэ си ныбжьым сщымыщтэж!
Щабэрык1уэу ар сф1эф1ыбзэщ,
Ныбжьэгъу пэжу быдэщ и бзэр!
14.08.2022гъ
Щабэрык1уэу си ныбжь ц1ык1у - сабийхэм я усэ
© Copyright: Мадина Гошокова-Джумаева, 2022
Свидетельство о публикации №122081306858
Свидетельство о публикации №122081306858
Рецензии