Дыгъэ, дыгъэ, къепс, къепс.
Ди хъуреягък1э къэгъэгъэнщ.
Дыгъэ, дыгъэ, къепс, къепс.
Ди жыг хадэр къэт1эп1ынщ.
Уэ, у ди нэщ, къепс, къепс.
Хуатэ хуабэр къыдэшэк1.
Уэ, у ди псэщ, къепс, къепс.
Къытхуэятэ, пыгуф1ык1.
Дыгъэ-щыгъэ, къепс, къепс.
Инжыджыпсыр къуршыпс 1эф1щ.
Адыгэпсэ п1утщ! Къытхуепс!
Укъытхэпсэм дунейр уэф1щ.
Уи нэбзийхэр къытлъэ1эсу
Уэ къыддэжэ 1уащхьэм нэс.
Гуапэ ц1ык1уу укъытхэпсэу,
Щы1эщ абы дыщытес.
Дыгъэрыбжэу къепс, къепс.
Бгъуэнщ1агъ ц1ык1ум дызэрыхьынщ.
Нэхъри щык1ыурэ къытхуепс,
Уэ уи бзийм зыщыдгъэпщк1унщ.
Дыгъэпс щабэу къепс, къепс!
Гъуэрыгъуапщк1уэ къыддэджэгу.
Нэф1эгуф1эурэ къытхуепс,
Дэ зыдогъэужь ди нэгу.
Дыгъэ, дыгъэ къепс, къепс.
Лэпс хуабэ уедгъэфэнщ!
Уадыгэщ! Уэ къытхуепс.
Ислъэмей дыкъызэдэфэнщ!
07.08.2022гъ
@Гъуэщокъуэ Мадина
Дыгъэ, дыгъэ къепс, къепс!
© Copyright: Мадина Гошокова-Джумаева, 2022
Свидетельство о публикации №122080701761
Свидетельство о публикации №122080701761
Рецензии