Дзяцінства родны краявід:
Сцяжынка полем ўецца
Звініць жаўрук, на малахіт
Палеткаў песьня л'ецца.
Прыціхшы слухае прастор
Той песьні перазвоны,
Што далятаюць аж да зор,
Чаруюць лес зялёны.
Калісьці песьняю такой
Мяне вітаў у ранку
Жаўрук над Начаю ракой
І ў хутары на ганку.
Ён за сабою мяне вёў
У мроі, казкі, сны,
На дываны лугоў, палёў
У квецені вясны!
Малой Радзімы краявіды:
Лёс, поле і рака -
Маім вы сэрцам не забыты
Як песьня жаўрука!
Родны краявiд
© Copyright: Станислав Шастак, 2022
Свидетельство о публикации №122072300702
Свидетельство о публикации №122072300702
Рецензии