Къремыхъу зэй зауэ! Щремы1э!
Псори мамыр уафэщ дызыхуейр!
Анэ нэпсхэм уи псэр ягъэгу1эу,
Поплъэ уэм хъужыну ди пщэдейм!
Къремыхъу зэй зауэ! Вгъэувы1э!
Адэ-анэм быныр иреп1ыж!
Гъэшхэща-щык1ахэ! Фызэпо1э!
Ярэби, ди гъатхэр къыдэфтыж!
Вгъэувы1э зауэр! Жыдывгъы1э:
"И1эщ сытми нобэ зы 1эмал!"
Дышэчащ Хэку Зауэр! Дигъэгу1эу,
Сахуэ ф1ыц1эм кърихьэк1т ажал...
Зэрыпхъуак1уэм къигъэнащ лъэужьи,
Нобик1 къруухэм ядзыр гъыбзэ макъ...
Зауэ гуащ1эм кърихуэк1 акъужьу,
Къо1ур жыжьэрыуэхэу топ макъ...
1упщ1эу зэхыбохыр. Щ1ыр мэгу1э!
Тек1уэныгъэр арат къыщ1этхьар?!
Псынщ1эу зыкъэфщ1эжхэ! Фызэгуры1уэ!
Къуэшук1зауэт тыгъэу къытхуащ1ар?!
Къремыхъу зэй зауэ! Щремы1э!
Тевмыгъак1уэ шхэщАр ди щ1эжьейм!
Зауэ угъурсызыр вгъэувы1э!
Тхьэшхуэ, къытхуэхъумэ ди пщэдейр!!!
19.07.2022гъ
@ Гъуэщокъуэ Мадина
Къремыхъу зэй зауэ! Щремы1э!
© Copyright: Мадина Гошокова-Джумаева, 2022
Свидетельство о публикации №122071904747
Свидетельство о публикации №122071904747
Рецензии