Ружовы зімні ранак:
У сонейка праменні
У дыяментах ганак
Праводзіў дзень асенні.
З нябёс капалі слёзы
З сняжком уперамешку,
Ды уначы марозы
З гразі скавалі сцежку.
Зіма зямельку скула,
Каб яна мірна спала
Лес, поле ахінула
У срэбна пакрывала.
Бялюткай пелярынай
Заззяла наваколле,
Цудоўнай павуціна
Абсыпаў іней голле.
Прыціх ручай пад лёдам,
Бег сцішыўся ракі,
А для дзятвы свабода,
Звіняць, бы жаўрукі.
З гарышча ўраз дасталі
І лыжы, і канькі
Прыйшлі, што так чакалі,
Зімовыя дзянькі!
Зiмовы ранак
© Copyright: Станислав Шастак, 2021
Свидетельство о публикации №121121200784
Свидетельство о публикации №121121200784
Рецензии
