Я б так хацеў, прыехаўшы дадому,
Пачуць бацькоўскай скрыпкі моцны гук,
Што дараваў спакой душы малому
І цеплыню пяшчотных мамы рук.
Я б так хацеў, бо памяць захавала,
Убачыць Тучу ў ранішняй красе
І, як над лесам сонейка ўставала,
Прабегчы па вясёлкавай расе.
Як чапля, паднімаць высока ногі,
Што босымі адвыклі ўжо хадзіць,
Пабачыць, як з нябёсаў крутарогі
На гэты танец месячык глядзіць.
Я б так хацеў, вярнуўшыся дадому,
Дапамагаць пераадольваць зло,
Бо мне не аднаму Дабро вядома
І трэба, каб між нас яно жыло!
Падсвядомае жаданне
© Copyright: Станислав Шастак, 2021
Свидетельство о публикации №121121205347
Свидетельство о публикации №121121205347
Рецензии
