Блэк1а ди тхыдэм нобэ дриуэркъыу,
Къыдгурымы1уэ зытщ1у т1эщ1эхуащ,
Ды дэгу пэлъытэу, ди жьэхэр дыукъыу,
Хамэбзэк1э анэбзэр дэ тхъуэжащ.
Ат1э, анэдэлъхубзэр п1урымылъмэ,
Адыгэ, тынш пхуэхъуну уи пщэдейр?!
Хамэбзэмк1э уэ ууэршэрмэ,
Уи тхыдэр тритхык1ынкъэ гъунэгъуейм?!
Анэбзэм поплъэ къагъэщ1а къудейри.
Лъэпкъ гупсэщ! Къытхущихуэ Тхьэм и нэф1.
Ар зи лъым хэту къэхъур - псым бдзэжьейри
Зэресым хуэдэу, дэник1 хозэгъэф!
Фымыгъеиж къэувы1эмэ лъэпкъ гупсэр,
Фемынэц1ыж иужьк1э зыхъумэфам.
Зэрыдунейуэ къыщац1ыху нартыбзэрщ,
Ди тхыдэм и макъамэр зыхъумэфар!
Анэбзэр щигъэлъап1эк1э щ1эблэщ1эм,
И адэжь лъахэм зэик1 емыпц1ыж!
Ар бынжэм къыпык1ащ - умыгъэгъу пыбупщ1у!
Адыгэу зызбжыжхэм къэф1этыж!!!
Ди ныбжь дыщыщтэжакъэ, адыгэбзэр
Ткъуэмылъу л1ыгъэ, ужьыхыжмэ лыгъэу?!
Псэу куэдрэ, ди нартыбзэ! Ди лъэпкъ гупсэ!
Тхухэпсэ ди щ1эблэщ1эм Хэку дыгъэпсу!
20.09.2021гъ
Псэу куэдрэ, ди нартыбзэ! Адыгэбзэ!
© Copyright: Мадина Гошокова-Джумаева, 2021
Свидетельство о публикации №121092001646
Свидетельство о публикации №121092001646
Рецензии