Нанэ и жьэгу маф1э

НАРТЫХУ Ц1ЫНЭ

Бжьыхьэ к1aпэщ. Уэшхыр къошх.
Пхъэр жьэгу маф1эм щожьэражьэ.
Нартыху ц1ынэм шэр къыщ1эжу,
Нанэ дзасэк1э тхуегъажьэ.
Бэрэчэту лъакъуищ 1энэр,
Къытхуеузэдыр нап1эзып1эм.
Тетщ бжэнышэ къишагъащ1эр,
Щхьэж и фалъэ, хьэку хуэбап1эм.
Нартыху тхъуэплъым къыпех бахъэр -
Дзасэ пщтырхэм къытхуф1ех.
Къытхуэсакъыу, нартыхуфэм
К1уэц1ишыхьэурэ, къытхуехь.
Хьэлу хуабэу, табэ пщтырым
Къигуф1ык1ым, нур къыпех…

...Мыужьыхыжу насып маф1эщ!
Нанэ и жьэгу! Сигу уимыху!..

14.09.2021гъ

МЭЖАДЖЭ

Бжьыхьэ к1aпэщ. Уэшхыр къошх.
Пхъэр жьэгу маф1эм щожьэражьэ.
Тхъуэплъ мэжаджэ бырыбыжыр,
Нанэ табэк1э тхуегъажьэ.
Бэрэчэту лъакъуищ 1энэр,
Къытхуеузэдыр нап1эзып1эм.
Тетщ бжэнышэ къишагъащ1эр,
Щхьэж и фалъэ, хьэку хуэбап1эм.
Шыгун пщтырым къыпех бахъэр -
Пыры1эбэк1э къытрех.
Бэрэчэту щ1акхъуэ тхъуэплъыр,
Хуэсакъыпэурэ къытхуехь.
Хьэлу хуабэу, табэ пщтырым
Къигуф1ык1ым, нур къыпех…

...Мыужьыхыжу насып маф1эщ!
Нанэ и жьэгу! Сигу уимыху!..

14.09.2021гъ