1. Сабиигъуэм и къежьап1эу
Уи пшынэбзэм нур къыпех.
Сабий саду хъуам уеф1эк1ыу
Насыпыбжэр зэ1убох.
Ежьу:
Зи бзэр щабэу "Сэтэней",
Сабиигъуэм и дуней!
Анэп1алъэу "Сэтэней",
Саду щы1эм уралей!
2. Удигъусэщ жэщи махуи,
Анэп1алъэ утхуэхъуащ.
Сэтэней гъэгъауэ гъащ1эм
Хьэл-щэныф1хэр къытхэплъхьащ.
Ежьу:
Гущ1агъщ1элъу "Сэтэней",
Удз гъэгъахэм уралей!
Си псэм хуэдэу "Сэтэней"!
Хъугъуэф1ыгъуэм и дуней!
3. Удз гъэгъахэм урадыгъэу
Махуэ къэс укъытхуоупсэ.
Нартыпхъу гуащэу уи дахагъэм
Къытхелъхьэжыр адыгэпсэ.
Ежьу:
Зи бзэ щабэу "Сэтэней",
Лъыбот1агъэ лъэхъстэн лъейр!
Саду щы1эм уралей,
Удж къыбдещ1 Адыгэ Цейм!
4. Дыбгъэгушхуэу сытым щыгъуи
Уэ ди гъащ1эм ухэхьащ.
Хабзэ дахэу - адыгагъэр
Уэ дыбгъащ1эу гъуэгу хэпшащ.
Ежьу:
Анэп1алъэу "Сэтэней",
Сабиигъуэм и дуней!
Си псэм хуэдэу "Сэтэней",
Саду щы1эм уралей!
14.09.2021гъ
Сабий саду Сэтэней - уэрэд
© Copyright: Мадина Гошокова-Джумаева, 2021
Свидетельство о публикации №121091403521
Свидетельство о публикации №121091403521
Рецензии