Палярнай зоркаю майго сусвету
З’яўляесся ты ў мроі-успаміны.
О, вобраз недасяжнае краіны,
Што сонейкам надзеі абагрэты!
Надзеі на сустрэчы-вечарыны
У майскім садзе ці ў жытнёвым полі,
Калі часы размоў плывуць паволі
І доўжацца гадзінамі хвіліны!
Хай херувім цябе крылом ахіне,
Няхай аберагае шлях і крокі
І дасылае мне у свет далёкі
Паданні аб абуджанай краіне.
Хай знімецца праклён вякоў Ўсявышнім
І вынішчыць дашчэнту на абшары
Душэўны гвалт і боль, і злыя чары,
Каб родны край Яўропе стаў не лішнім!
Роднай старонцы
© Copyright: Станислав Шастак, 2021
Свидетельство о публикации №121052900330
Свидетельство о публикации №121052900330
Рецензии