/Зи анэбзэ зыгъэпудым нэгъуэщ1ыбзэ ф1элъэп1эн?/
Усэбзэ дахэк1э гъэнщ1а гъуэгуанэ сытетщи,
Хэзгъэщ1 щымы1эми зик1 зызмыгъэш.
Дэ купщ1э 1эф1уу, къаруущ1э къыздэушу,
Насып лъэгап1эм схуешэ, семызэш.
Схьэзырщ, сыкъэмыувы1эу ныпысщэну,
Хэкужь абгъуэп1эм и мэкъамэу адыгэбзэ!
Набдзэ пэлъыту, лъахэ дыщэм урипшынэу,
Уохъу гущ1эгъщ1элъ, у-анэ п1алъэщ, ди нартыбзэ!
Хъуэпсап1эщ уэрэдыжьхэр зэрылъэлъу,
Унагъуэ къэс адыгэ тхылъ щаджын.
Щ1эжьейм анэдэлъхубзэр къа1улъэлъу,
Хагъахъуэу адыгэбзэм щ1ап1ык1ын.
...Гъуэгуанэ к1ыхь, гъуэгуанэ задэ сытетми,
Нартыбзэр си лъэнк1ап1эщ - сытри слъок1.
Дэгъэзеигъуэу, джабэлъагъуэ щыхъуми,
Си лъахэ, ар гъуэгу лъап1эщ - семыплъэк1!
17.07.2020гъ
Madina Goshokova - Dzhumaeva
Усэбзэ дахэк1э гъэнщ1а гъуэгуанэ
© Copyright: Мадина Гошокова-Джумаева, 2020
Свидетельство о публикации №120072706107
Свидетельство о публикации №120072706107
Рецензии