Чым цешыць лета погляд...
Чарнічныя паляны, рамонкавы палетак,
валошкавая рэчка і залатое поле,
куды ні кінеш вокам - квяцістае раздолле.
А на ўзлеску лета рассыпала суніцы,
падкрасяць без памады ёй вусны маладзіцы,
заве грыбамі бор нас, малінаю паляны
і мёд збірае пчолка там, дзе чабор духмяны.
Раскінуў ліпень ў небе ў паверхі тры вясёлку,
і дожджык басаногі цалуе ў лузе зёлку,
між хмарак ў небе бусел лунае белакрылы,
які ж прыгожы летам мой край і сэрцу мілы!
Свидетельство о публикации №118071607415
Лариса Геращенко 16.07.2018 23:41 Заявить о нарушении