Sterva. От Спаса на Крови до Яблочного Спаса
боўтацца мовай двароў-званоў, бы сон
пераводзіць старых па вулічных лампасах
падморгваць бамжу што п'е адэкалон
і таксама часам зазіраць пад корак,
як сяброўка
не ў пошуках цяпла а каб не маўчаць
пра простыя патрэбы і проста дакранаючыся падбародка
як быццам палюбоўна як быццам улекара пячаць
і рот не выціраць і ўзбоўтваць асадак
каб снег пад ліхтаром змянялі матылькі
каб анёл на лаве ізмайлаўскага саду
чытаў для нас ледзь народжаны верш сякі-такі
тое сумна тое кіно хоць вер у аднарога
здзіраючы са слупа прыкладвай да ілба
такая карусель што здаецца варонкай
і вылятае ноч у падзорную трубу
глядзець ва ўсе вочы як рэйс не адмянілі
і слухаць як спяваюць бяздомныя вятры
пра нас пра нас пра нас на ледзяным вініле
на залатой іголцы ў Паўла і Пятра
Перевёл Максим Троянович
Свидетельство о публикации №118020701783