Х1ун лоьху дуьненахь аса?
Дахаран х1орда т1ехь лелаш,
Къурд ца би шовданах ирсан,
Кхоллам, со бехке ма елахь!
Мел лехарх сайн ирсан дог1а,
Дуьненахь кара ца ди-кха,
Цуьнга сатийсарна ч1ог1а,
Эхартан Кьайле схьа ги-кха…
Барзахехь карор ду ирс а,
Даггара Бакьдолчух тешахь,
Герга ду Дуьне вайх диса,
Хир дац те Фирдовсан бешахь?!
Х1ун лоьху дуьненахь аса?
© Copyright: Петимат Абубакарова, 2017
Свидетельство о публикации №117101703739
Свидетельство о публикации №117101703739
Рецензии