Вясна ідзе і ў яе ўлонні
За лёгкай сінявой смугі
Прачнуліся бары і гоні -
Край сэрцу родны, дарагі!
Жыцця былога адгалоскі
Над камінамі дзе-нідзе
Хат паўзабытай роднай вёскі
Дымок увысь свой шлях вядзе.
Куды ж ляжыць яго дарога?
Бо на вачах ён растае.
Нясе малітвы мо' да Бога,
Хай долю лепшую дае!
Хай долю дасць, каб адрадзілісь
У краю вёскі, гарады!
Каб дзеці, што тут нарадзілісь,
Жылі б шчаслівы без нуды!
Каб матчына вітала мова
Усіх прыезджых і сяброў,
Каб ажыла яна нанова
Сярод палацаў і двароў!
Прышла вясна. На яе сонцы
Падсохлі і да мар шляхі.
Дай Божа мір маёй старонцы
І адпусці яе грахі!
Вясновыя пажаданнi
© Copyright: Станислав Шастак, 2017
Свидетельство о публикации №117030506532
Свидетельство о публикации №117030506532
Рецензии