Нечакана так прыйшло цяпло,
З ім і гэты цуд-пара цвіцення.
І, здаецца, у адно імгненне
Усё ў майскай квецені было.
І зямля тады раскошны рай,
Столькі чысціні і асалоды.
Гэта свята маладой прыроды,
Што нясе на крылах звонкі май.
Лёгкі хмель квітнеючых садоў
І чаромхі свежае дыханне
Нараджае моцнае жаданне
Заблудзіцца ў казцы светлых сноў.
І зачараванае красой,
Сэрца зноў жыве ў салодкіх марах,
У дзівосных, незвычайных чарах,
У харастве, прыдуманым вясной.
Свята прыроды
© Copyright: Лариса Гапеева, 2015
Свидетельство о публикации №115081206785
Свидетельство о публикации №115081206785
Рецензии