ЦIИЙИ АШКЪИ ГЪУЦАРИВАЙ ТIАЛАБНАЙ
ЦIийи ашкъи гъуцаривай тIалабнай,
Мад вучиз вун акъвазнава вилик зи?
Шумуд йисуз зи эвердиз ганач гьай,
Агакьарнач на ви гъилер гъилик зи.
ЦIийи ашкъи кIан хьанай заз худадвай,
Ви тIвар алай рикIин суза атIуз кIанз.
Акъудиз кIанз гуьгьуьлдавай живед къай,
Саф ашкъидин дад вуч ятIа кьатIуз канз.
Ваъ! Мад вун я экъечIнавайд вилик зи,
Мад вуна зав дуьня гузва кьеженвай.
Эй ашкъидин гамунавай цIилихъ зи!
Чаравилин тIвар зарарив кхьенвай...
Вун килигиз акъвазнава вилик зи...
За мад гуьгьуьл жигарна вав гьикI вугун?
"ЧIалах туштIа, на вилериз килиг зи..."
Къвазнава вун ванцихъ галаз са зурзун...
ХкIурмир хер алай рикIин кьилик зи,
Чун эбеди чара хьанва са-садвай.
Мад вучиз вун акъвазнава вилик зи?
ЦIийи ашкъи тIалабайтIан худадвай?...
10.10.2005
Ц1ийи ашкъи гъуцаривай т1алабнай...
© Copyright: Римма Гаджимурадова, 2015
Свидетельство о публикации №115062201787
Свидетельство о публикации №115062201787
Рецензии
ХЪСАН ТЕСНИФ Я. АХПАНАН ПАШМАВИЛИ ХИЙИР ГУДАЧ, ЛУГЬУДАЙ МИСАЛ АВА.
Фикрет Хидиров 27.03.2016 23:36 Заявить о нарушении
Фикрет Хидиров 27.03.2016 23:36 Заявить о нарушении
Куьн гьахъ я, Фикрет муалим! Амма и шиир Вакъиф муалимдал дуьшуьш жедайдалай вилик кхьенвайди я.Алай ч1авуз зун пашман туш...
Римма Гаджимурадова 29.03.2016 08:06 Заявить о нарушении
Римма Гаджимурадова 29.03.2016 08:06 Заявить о нарушении
Багъишламиша,Римма вах! Аллагь куьмек хьурай квез!
Фикрет Хидиров 29.03.2016 21:49 Заявить о нарушении
Фикрет Хидиров 29.03.2016 21:49 Заявить о нарушении