Ты пішаш мне: " ...а я цябе кахаю!"
А я шукаю ў пісьмах позірк, крок...
Ты пішаш мне... З радзімага мне краю
Нясе пісьмо вясны былой цвяток!
Нясе сустрэчы радасныя слёзы,
Пужлівай лані сонечны пагляд!
Я быў і ёсць табою не цвярозы,
Я быў і ёсць табе ўсім сэрцам рад!
Я ўсё жыццё на ўсходзе за смугою
Шукаў зарніцы дзіўнае святло,
Дзе быў с табой! Дзе жыў адной табою!
Дзе шчасце белым бэзам нам цвіло!
Ты пішаш мне, што труцяць сэрца слёзы...
Ты пішаш мне, што цяжка быць адной...
Душа мая! Сцярпі тугу й марозы, -
І я вярнуся з бэзам і вясной!
I я вярнуся з бэзам i вясной!
© Copyright: Станислав Шастак, 2015
Свидетельство о публикации №115040104170
Свидетельство о публикации №115040104170
Рецензии