Каханне маё!
Мой невыснены сон!
Мой мёд верасковы!
Ты ружай-шыпшынай цвіцеш ля вакон
Ля хатаў вясковых.
К табе я спяшаўся! Праз межы, гады,
Шукаў я дарогу.
Мне людзі давалі напіцца вады.
Маліўся я Богу,
Каб даў мне вярнуцца
Да родных мясцін
Адному,
Каб вочы, бы зоры, славянак-жанчын
Убачыць самому!
Каханне маё, малахітны мой край,
Вітаю цябе! Я зноў дома!
Я доўга дарогу шукаў,
Выбачай!
Вярнуўся ж свядома!
Мой невыснены сон!
© Copyright: Станислав Шастак, 2014
Свидетельство о публикации №114101610201
Свидетельство о публикации №114101610201
Рецензии