Перевод с лезгинского.
Есть улица.
В Новороссийске, городе-герое,
Есть много разных улиц именных,
Но, в самом центре,по сердцу родное,
Стоит сверкая в бликах осияно,
Улица имени Стал Сулеймана!
Лежит он между морем и горой,
Где лес растёт зеленой полосой.
Где солнца луч играет золотой,
Среди дворцов прекрасных, без изъяна,
Улица имени Стал Сулеймана!
И вот все знаменитости, друзья,
Собрались вместе, как одна семья.
На память нам осталось фото дня,
Где радость наша запечатлена,
На улице имени Сулеймана.
Друг - Алибег, я был там не один,
Как воздух города и свеж, и чист,
Не даст о том соврать Шахабудин!
Новороссийск - город геройской славы,
Где блещет, словно на заре волна,
Улица имени Стал Сулеймана!
"Куьче ава"
Новороссийский – Игит шегьерда,
Шумудни сад куьче ава кар алай.
Адан юкьвал пара гуьзел тегьерда;
Гьуьлел хьтин гьар экуьнин зар алай,
Куьче ава Сулейманан тIвар алай.
Са кьил дагъда, са кьил гьуьле акьуна,
Кьве къерехда тарар авай бегьерда.
Заргади хьиз ч1агурнавай ракьуна,
Имаратар авай икьван кар алай,
Куьче ава Сулейманан тIвар алай!
Гьар миллетдин кIватIал хьана векилар,
Дуствал авай, са стхаяр, вахар хьиз.
Гьич рикIелай алат тийир шикилар,
Акур касдин ачухардай гуьгьуьлар,
Куьче ава Сулейманан тIвар алай!
Алибег дуст, Шагьабулин шагьид я,
Гьикьван михьи гьава ава шегьерда?
Новороосийский – шегьер Игит я,
ЧIулав гьуьлуьн къерех экуьн сегьерда,
Рагъ экъечIдай даим кьилел зар алай,
Куьче ава Сулейманан тIвар алай!
Сажидин Саидгасанов.
Сажидин Саидгасанов. Есть улица
© Copyright: Бести Нифтиева, 2014
Свидетельство о публикации №114060400348
Свидетельство о публикации №114060400348
Рецензии
Бести вах, салам алейкум. Куь переводри зи шадвал артух авун са зат1ни тушир, амма, зун гьар юкъуз чуру тваз (машинкадал) вердиш инсан я. Жу са акьван мишреб алай кас туширвиляй, акурла хуш атун патахъай твазвайди я. Мегьтел жедай кар ам я хьи, заз аквазва, яшлар хьанвай кас ят1ани, куьне авур патаводар к1елайла, са кьадар ч1арар ч1улав хъижезва. (зарафат я) Куьрелди, куьн переводри зун ашкъилу ва зигьинлу ийизва. Куьн чан сагърай. Заз куьн гьуьрмет пара кьадар багьа я. Заз квез ийидай са хъсанвал, вуч ийида жал лугьуз хияллу я. И сеферда за квез, к1елиз са шумуд шиир рекье твада. Бегенмиш хьайибур к1ела, амайбур ваз чизва карзинадиз рекье тур.
САГЪРАЙ КЕРИМОВ
Лезги миллетдин дамахни даях,
Шарвили ухшар хваяр ава чахъ.
Камалдиз дерин, гьуьрметдиз къучагъ,
Сагърай Керимов Сулейман стха!
Хиве кьур кIвалах акъуддай кьилиз,
Экв я ам акур халкьдин кьве вилиз.
Гьуьрмет ийизвай диде тир чилиз,
Сагърай Керимов Сулейман стха!
Шумудни садан туькIуьрай кIвалах,
Гьуьрметлувилин я Земзем булах.
Къадим тир лезги халкь галай къвалахъ,
Сагърай Керимов Сулейман стха!
Гъил ахъа касдиз пара хьуй девлет.
Куьн хьтинбурал уьзяй я миллет.
Баркаллу деде-бубадин велед,
Сагърай Керимов Сулейман стха!
Зун лезги шаир, Сажидин я тIвар,
Шииратдин сир чирзавай устIар.
Дуьньяда авай вафалу дустар,
Сагърай Керимов Сулейман стха!
КУЬРЕДИН ГИМН
Кьудратлу тир къадим Куьре,
Пачагь квачир мах я хьи вун.
Шегьерар тир гьар са хуьре,
Халкьар акваз гьар са жуьре,
Бахтунин са тах я хьи вун!
Агъзур сара вилериз ви,
Акун тавур кIвалах авач.
Гьуьрмет кIани эллериз ви,
Берекатлу чуьллериз ви,
Кьисмет тавур булах авач!
Къужах кьуна Дагъни Аран,
Дуствал кIани рикIава вахъ.
Ислягь чIавуз гьализ девран,
Гьар гатфариз цIай куз Яран,
Шарвилид кьил тик ава вахъ!
Яман йикъар пара хьана,
Ягъ-кьиникьин гьисаб хьанач.
Халкьарин фу тара хьана,
Душман уьзуькъара хьана,
Кхьин тавур ктаб авач!
Дертни эхна, девранни на,
Намус хвена, ватан хвена.
Дарвал эхна, гьижранни на,
Дагъни хвена, Аранни на,
Ви чIал хвена, хизан хвена!
ЦIаяр къвана, марфар къвана,
Кьуркьушумдин харар галаз.
ЧIалар къвана, гафар къвана,
Араб, латин гьарфар къвана,
Вилик, кьулухъ цIарар галаз!
Къадим тарих къванеравай,
Мерекуьп ваз иви хьана.
ЧIулав литер къуьнеравай,
Гъиле шивдин кьенер авай,
Лекьерин рикI кIеви хьана!
Женнет макан Къуба, Муьшкуьр,
Зияратдин Самур дере…
Дагълух уьлкве, Аллагь шуькуьр,
Чирагъар гвай даим куькIуьр,
Ви далудихъ гала, Куьре!
Ви лекьери лув гуз цава,
Хъен вегьезвач вал чарадан.
Ризкьи-дарман, ятар-дава,
Вири шартIар вахъ бул ава,
Чарадаз кIир тийир гардан!
Камаллуяр я ви эллер,
Гьуьрмет кIани, хатур кIани.
Берекатлу ава чуьллер,
Зегьмет чIугваз вердиш гъилер,
Дустариз гуз ятур кIани!
Гъилиз-заха, мециз-ширин,
Къавум-къардаш, дустар ава.
Гьар са кIвале - лугьун-хъуьруьн,
Гьар са хъсан адет хуьруьн,
Хуьз алакьдай устIар ава!
Куьре Мелик, Етим Эмин,
Алкьвадар Гьасан-эфенди…
СтIал Сулейман - чи замин,
Женнет кьисмет хьурай, (амин!)
Халкь паталди рикI эфейди!
Сажидин, на ара-ара,
Буш гафар ийиз тахьурай.
КIанзавайди-гьар са тара,
Дадлу емиш гъана пара,
Гележег чи бахтлу хьурай.
ЗУН МУГЬМАН ТУШ
Зун мугьман туш атанвай куьн утагъдиз,
ТIуьна, хъвана, гъилер ягъна хъфидай.
Ухшар ятIан зи акунар къачагъдиз,
Зун шаир я вегьтедай гьич тефидай.
Зун дуьньядал атайди туш мугьман яз.
КьейитIани амукьда зун рикIера.
Зи шиирар гьар са тIалдиз дарман яз,
Бакара къвен шумудни са рекьера.
Зун амукьда хиял из куьн рикIера,
Зун амукьда мисал хьана чIалавай.
Зун себебдин са хъач я куьн никIера,
Кваз такьуна физ тахьурай къвалавай.
Са низ ятIан багьа я зун цуьк хьтин,
Сад лагьана бахт багъишиз гьазур тир.
Зи жегьилрал а кьадардин рикI хьана,
За жуван хур чи жегьилриз гьазур тир.
Зун мугьман туш атанвай са кьил чIугваз,
Къван хьанани амукьда куьн арада.
Билбилди хьиз алахъдайла зил чIугваз,
Зун пехилрив тваз вугумир кьарада.
Бязибурун сурухъ багьа къван жеда,
Кьейи инсан дагъ хьиз цавуз акъуддай.
Зи сурун къван-зи манийрин ван жеда,
Четин чIавуз гъам рикIелай алуддай.
Зун квез чидай кесиб кас я, къураба,
Дустарилай пара хьайи душманар.
Шииратдин рекьяй гьалай араба,
Гьич са касни ийин тийиз пашманар.
Чаз виридаз сад и чил диде тир,
Адан къадир чир тахьун чаз гунагь я.
Инсанвилиз гьуьрмет ая вине тир,
Чун сад-садан эрчIи гъил я, панагь я.
Зун дидеди хайиди туш кьин патал,
И рагъ, и варз аламай кьван цаварал.
Азиз дустар, мус хьайитIан куьн патал,
Хкведа зун мел-мехъеррал, суварал.
Ам Сажидин туш хьи герек хьайила,
Куьн арада хьун тавуртIа вири хьиз.
Куьн межлисра дадлу хуьрек хьайила,
За жуван рикI цIурурда квез гъери хьи.
Сажидин Саидгасанов 4 10.06.2014 23:54 • Заявить о нарушении
САГЪРАЙ КЕРИМОВ
Лезги миллетдин дамахни даях,
Шарвили ухшар хваяр ава чахъ.
Камалдиз дерин, гьуьрметдиз къучагъ,
Сагърай Керимов Сулейман стха!
Хиве кьур кIвалах акъуддай кьилиз,
Экв я ам акур халкьдин кьве вилиз.
Гьуьрмет ийизвай диде тир чилиз,
Сагърай Керимов Сулейман стха!
Шумудни садан туькIуьрай кIвалах,
Гьуьрметлувилин я Земзем булах.
Къадим тир лезги халкь галай къвалахъ,
Сагърай Керимов Сулейман стха!
Гъил ахъа касдиз пара хьуй девлет.
Куьн хьтинбурал уьзяй я миллет.
Баркаллу деде-бубадин велед,
Сагърай Керимов Сулейман стха!
Зун лезги шаир, Сажидин я тIвар,
Шииратдин сир чирзавай устIар.
Дуьньяда авай вафалу дустар,
Сагърай Керимов Сулейман стха!
КУЬРЕДИН ГИМН
Кьудратлу тир къадим Куьре,
Пачагь квачир мах я хьи вун.
Шегьерар тир гьар са хуьре,
Халкьар акваз гьар са жуьре,
Бахтунин са тах я хьи вун!
Агъзур сара вилериз ви,
Акун тавур кIвалах авач.
Гьуьрмет кIани эллериз ви,
Берекатлу чуьллериз ви,
Кьисмет тавур булах авач!
Къужах кьуна Дагъни Аран,
Дуствал кIани рикIава вахъ.
Ислягь чIавуз гьализ девран,
Гьар гатфариз цIай куз Яран,
Шарвилид кьил тик ава вахъ!
Яман йикъар пара хьана,
Ягъ-кьиникьин гьисаб хьанач.
Халкьарин фу тара хьана,
Душман уьзуькъара хьана,
Кхьин тавур ктаб авач!
Дертни эхна, девранни на,
Намус хвена, ватан хвена.
Дарвал эхна, гьижранни на,
Дагъни хвена, Аранни на,
Ви чIал хвена, хизан хвена!
ЦIаяр къвана, марфар къвана,
Кьуркьушумдин харар галаз.
ЧIалар къвана, гафар къвана,
Араб, латин гьарфар къвана,
Вилик, кьулухъ цIарар галаз!
Къадим тарих къванеравай,
Мерекуьп ваз иви хьана.
ЧIулав литер къуьнеравай,
Гъиле шивдин кьенер авай,
Лекьерин рикI кIеви хьана!
Женнет макан Къуба, Муьшкуьр,
Зияратдин Самур дере…
Дагълух уьлкве, Аллагь шуькуьр,
Чирагъар гвай даим куькIуьр,
Ви далудихъ гала, Куьре!
Ви лекьери лув гуз цава,
Хъен вегьезвач вал чарадан.
Ризкьи-дарман, ятар-дава,
Вири шартIар вахъ бул ава,
Чарадаз кIир тийир гардан!
Камаллуяр я ви эллер,
Гьуьрмет кIани, хатур кIани.
Берекатлу ава чуьллер,
Зегьмет чIугваз вердиш гъилер,
Дустариз гуз ятур кIани!
Гъилиз-заха, мециз-ширин,
Къавум-къардаш, дустар ава.
Гьар са кIвале - лугьун-хъуьруьн,
Гьар са хъсан адет хуьруьн,
Хуьз алакьдай устIар ава!
Куьре Мелик, Етим Эмин,
Алкьвадар Гьасан-эфенди…
СтIал Сулейман - чи замин,
Женнет кьисмет хьурай, (амин!)
Халкь паталди рикI эфейди!
Сажидин, на ара-ара,
Буш гафар ийиз тахьурай.
КIанзавайди-гьар са тара,
Дадлу емиш гъана пара,
Гележег чи бахтлу хьурай.
ЗУН МУГЬМАН ТУШ
Зун мугьман туш атанвай куьн утагъдиз,
ТIуьна, хъвана, гъилер ягъна хъфидай.
Ухшар ятIан зи акунар къачагъдиз,
Зун шаир я вегьтедай гьич тефидай.
Зун дуьньядал атайди туш мугьман яз.
КьейитIани амукьда зун рикIера.
Зи шиирар гьар са тIалдиз дарман яз,
Бакара къвен шумудни са рекьера.
Зун амукьда хиял из куьн рикIера,
Зун амукьда мисал хьана чIалавай.
Зун себебдин са хъач я куьн никIера,
Кваз такьуна физ тахьурай къвалавай.
Са низ ятIан багьа я зун цуьк хьтин,
Сад лагьана бахт багъишиз гьазур тир.
Зи жегьилрал а кьадардин рикI хьана,
За жуван хур чи жегьилриз гьазур тир.
Зун мугьман туш атанвай са кьил чIугваз,
Къван хьанани амукьда куьн арада.
Билбилди хьиз алахъдайла зил чIугваз,
Зун пехилрив тваз вугумир кьарада.
Бязибурун сурухъ багьа къван жеда,
Кьейи инсан дагъ хьиз цавуз акъуддай.
Зи сурун къван-зи манийрин ван жеда,
Четин чIавуз гъам рикIелай алуддай.
Зун квез чидай кесиб кас я, къураба,
Дустарилай пара хьайи душманар.
Шииратдин рекьяй гьалай араба,
Гьич са касни ийин тийиз пашманар.
Чаз виридаз сад и чил диде тир,
Адан къадир чир тахьун чаз гунагь я.
Инсанвилиз гьуьрмет ая вине тир,
Чун сад-садан эрчIи гъил я, панагь я.
Зун дидеди хайиди туш кьин патал,
И рагъ, и варз аламай кьван цаварал.
Азиз дустар, мус хьайитIан куьн патал,
Хкведа зун мел-мехъеррал, суварал.
Ам Сажидин туш хьи герек хьайила,
Куьн арада хьун тавуртIа вири хьиз.
Куьн межлисра дадлу хуьрек хьайила,
За жуван рикI цIурурда квез гъери хьи.
Сажидин Саидгасанов 4 10.06.2014 23:54 • Заявить о нарушении