Мiраж
пагуляў і са мною:
з’явіўся як сонейка лік –
ды, ўвёўшы у раж,
абнядоліў маною:
завёў у пустыню і знік.
І кінуў мяне –
недалюбу-зняверу –
у пекле зямным назаўжды –
нібыта ў труне –
без надзеі і веры,
без хлеба і кроплі вады,
без мілых вачэй –
невычэрпных, як нетры,
і ўсмешкі – світальнай зары...
Усё гарачэй
і пясок, і паветра,
і сэрца асклепкі ўнутры…
Канаць ад пакут?
Ці не лепей на плаху,
чым гэткая жорсткая смерць?
Навошта я тут –
недабітая птаха?
Без крылаў ці можна ўзляцець?
Схілю галаву.
Задыхнуся адчаем.
І раптам выснову звяжу:
ды я й не жыву! –
я дагэтуль чакаю…
вяртання
свайго
міражу...
4.03.2014
Свидетельство о публикации №114030403881
Не чытаецца - пяецца.
Хоць сумлівы гэты спеў...
Кранае.
Дзякую.
.
Гэтую тэму калісьці я знайшла ў А.Сядзельнікава.
Наогул, творы вышэй названага аўтара мне падабаюцца - ў іх прысутнічае Душа...
Ягоны твор "Ты позови" урадзіў сваёй чысцінёй і прыгажосцю...
Пераклад з расейскай мовы на родную прайшоў на адным дыханні...
Паглядзіце, калі ласка.
Плача дождж
http://www.stihi.ru/2013/06/03/322
Вашы меркаванні?
Дзякую.
Марина Влада-Верасень 28.06.2014 12:44 Заявить о нарушении
http://www.stihi.ru/rec.html?2014/06/28/5106
Марина Влада-Верасень 28.06.2014 14:34 Заявить о нарушении
:—))))
Лаззаро 28.06.2014 14:59 Заявить о нарушении
Усё нядрэнна - тым больш, што гэта экспромт...
Вось мелодыя верша "збегла" ад Вас - гэта, як кажуць "відаць няўзброеным вокам"
Але сэнс застаўся!
Але...
Я не аб тым...
Мне хацелася пачуць Вашы меркаванні наконт твора А.Сядзельникава і майго перакладу.
Дзякую.
Марина Влада-Верасень 28.06.2014 15:15 Заявить о нарушении
Віншую!
Лаззаро 28.06.2014 15:26 Заявить о нарушении
Прабачце, але мне здалося, што Вы не зусім пачатковец у вершаванай творчасці - бачна.
Таму і спыталася...
Вашыя апошнія творы выклікаюць павагу.
З удзячнасцю і найлепшымі пажаданнямі,
Марина Влада-Верасень 28.06.2014 15:39 Заявить о нарушении