Дом жывы, пакуль жывая мама...
Праз густы фіранкавы узор
Вечарамі з-за ссівелых рамаў
Лье святло ў спавіты цемрай двор.
Ветру наўздагон дымок вясёлы
Скача над страхою ў ранні час.
Дом жывы. Нібы малых са школы,
З мамай на абед чакае нас.
Ля двара прыветна сцежка ўецца,
І ў вяргіняў квецені густой
Дом, жывы, спявае і смяецца,
Мамінай аблашчаны рукой.
Дзверы ўсім гасцінна адчыняе
І гасцей частуе за сталом.
Дом жывы, пакуль яна жывая.
Разам з мамай памірае дом.
… Муравою сцежка ўдзірванела.
З тое самай горкае вясны
Дом стаіць глухі, сляпы, знямелы
І халодны, як прывід начны.
Ён стаіць, атулены вятрамі.
Дом, памерлы, нам жывы дакор.
Ён ужо не дом, ён - помнік маме,
Дом, што разам з мамаю памёр.
Роднаму дому
© Copyright: Клавдия Семеновна, 2014
Свидетельство о публикации №114021005000
Свидетельство о публикации №114021005000
Рецензии
Якая праўда, Клаўдзія, у Вашых радках, маёй мамы не стала год назад, я жыла з мамай у яе доме амаль ўсё жыццё, і вось ўжо год дом без яе мёртвы, я жыву у ім, але ён нежывы, у ім жыве сумота і боль = побач са мною...
Дзякуй Вам за верш, хоць ён і выклікаў боль і слёзы.
Валентина Ментуз 13.02.2023 17:41 • Заявить о нарушении
Дзякуй Вам за верш, хоць ён і выклікаў боль і слёзы.
Валентина Ментуз 13.02.2023 17:41 • Заявить о нарушении
На это произведение написаны 3 рецензии, здесь отображается последняя, остальные - в полном списке.