Абубакаран Хасмохьмадан Зайндин назманашкара

Вина:1947   шарахь ,  22  мартехь.
1957-чу  шарахь Казахстанера ,Кушмурун шахьарера ц1адирзича,чохь лампанаш а яцара,я  телевизорш  а.
 Ненан  нанна Хьулиматна а,ненан вешин 1елина а  хазахетара шен йоь1ан  к1анта гулъеш,  д1аязъечу  назмашка  ладоьг1уш.Цхьаьна тишачу  тептар  т1ехь вовшех тесна   яра  шен уьш,дуьйцу  Дас.5-чу  классан  дешархо  волуш  язйина дуьххьара,цулт1аьхьа  массийтаза юха  язйина  уьш Дас.Т1аьххьара  куьйга  зорба тептар 1981 шеран ду.Цу  юкъара ю ас кху  чу йохкуш йолу  назмийн  кийсигаш.
 


                Валар  диц   мА  де ,  валаро  хьо   виц  вийр  вац.

Назам
1
Зубайричохь Дауда  хьан  куьцаш  дуьйцуш,
Товратна  чохь  Мусана ,  хьан  возалла  гуш,
Инжилехь  1ийсас,  хьайх хаза кхаьънаш  дог1уш,
Веар-кха хьо, Элча хилла,  я  Муххьаммад.
3
Г1ийлачуьнца , налха  санна , к1еда  волуш,
Мостаг1чуьнца, ша лом санна ,  майра   волуш.
Дехначунна , г1а-буц  санна,  кийча    волуш,
Веар-кха  хьо,  Элча  хилла  , Я  Муххьаммад.
4
Акхароша  шайн  баланаш  хьоьга  балхош,
Эмкало  шен  г1айг1а  говза  хьоьга  ялхош,
Масаро  шен  к1орнин  бала  хьоьга  буьйцуш.
Веар-кха  хьо , Элча  хилла  ,Я  Муххьаммад.
5
Хьайн  ц1ийнан  наха  хьо    хервина  д1атесна,
Арарчу  наха  хьо  везаш  т1елаьцна,
Кхокхано,гезго, хьоьхо  бертахь  хьо  ларвина,
Веар-кха  хьо , Элча  хилла,  я  Муххьаммад.
6
Къурайшаша  хьайн  Маккеха  хьо  ваьккхира,
Б1аьрг  боьлхуш , Мединате хьо  вахара,
Мединато  хьо  къобал  вина  т1елецира,
Веар-кха , хьо Элча  хилла,  я  Муххьаммад.
7
Мединатан  лаьттахь  хьо  кхоьллинера,
Цундела  хьо  Мединато  къобал  винера,
Воьрзу  меттиг  хьан  Мединатахь  хиллера.
Веар-кха  хьо,  Элча  хилла,  Я  Муххьаммад...